1 Samuela 13 - Vakavakadewa Vou kei na iVola tale eso（FNVDC12）

1A sa yabaki 30 o Saula ena gauna sa buli kina me tui, ka liutaki Isireli me vasagavuluka- rua na yabaki.

2A qai digitaka o Saula e lewe 3,000 na tamata e Isireli; era a tikoga kei Saula e lewe 2,000 mai Mikimasi kei na vanua veidelana mai Peceli, ka tala yani e lewe 1,000 vata kei na luvena o Jonacani ki Kipea e Penijamini. A sa vakalesui ira na vo ni tamata ki na nodra veivale.

3A ravuta o Jonacani na nodra i tikotiko vakaivalu na kai Filisitia ka tiko mai Kipa; ka ra sa rogoca oqo na kai Filisitia. A uvuca na nona davui o Saula ena vanua taucoko o Isireli, ka kaya, “Me ra rogoca mada na Iperiu!”

4Era a rogoca kece na Isireli na i tukutuku ni nona sa valuta rawa o Saula na nodra i tikotiko vakaivalu na kai Filisitia, ka ra cati Isireli o ira na Filisitia. Era sa kacivi na tamata me ra muri Saula ki Kilikali.

5Era a kumuni vata na kai Filisitia me ra vala kei ira na Isireli; ka sa tu vei ira e 30,000 na qiqi ni valu, e 6,000 na lewe ni mataivalu vodo ose, kei na matasotia levu ka kedra i wiliwili sa vaka na mata ni nuku e matasawa. Era a la'ki tiko mai Mikimasi, vaka ki na tokalau mai Peciaveni ka tara keba e kea.

6Ia ni ra kila o ira na Isireli ni ra sa leqa, era a qai vunitaki ira na tamata ena veiqara lelevu eso, kei na veikau, kei na veivatu lelevu, ena i bulubulu, kei na so na i keli.

7Ia eso era kosova na tai kadua ni Joritani, ki na vanua o Kata kei Kiliati.

A sa tiko ga mai Kilikali o Saula, ka ra sa sautaninini ena rere o ira kece na tamata era tiko vata kaya.

8A waraki Samuela tiko me bogi vitu, me vaka sa vakasalataki koya oti kina o Samuela, ia e se bera ga ni se yaco yani ki Kilikali o Samuela. Ni ra tekivu me ra dro tani mai vei Saula na tamata,

15A sa biuti Kilikali o Samuela ka lako yani. O ira na vo ni tamata era sa muri Saula ni sa la'ki tomani ira na nona matasotia; era sa lako cake ki Qibea e Penijamini.

Vakavakarau ki na i Valu

A sa wiliki ira na tamata era sa tiko vata kaya o Saula, era sa lewe 600.

16Era a keba voli ga mai Kipa ena nodra vanua na Penijamini o Saula, Jonacani na luvena, kei ira na tamata era a tiko kei rau; ia era a keba tiko mai Mikimasi o ira na kai Filisitia.

17Era a lako yani na batikadi mai na nodra i tikotiko na kai Filisitia ka wase tolu na nodra i lakolako; e dua era lako vaka ki Ofira ena vanua o Suali;

18e dua sa lako vaka ki Pece-oroni, ka dua na kena i wase sa lako ki na i yalayala sa donuya na buca mai Sepoimi ka vakanamata ki na vanua lala.

19A sa sega ni kune na matai ni kaukamea ena vanua taucoko o Isireli baleta ni ra sa qarauna vakalevu na kai Filisitia me kakua tale ni ra buli yaragi seleiwau kei na moto na Iperiu.

20Ena ka oqo, era a dau lakovi ira kina na matai ni kaukamea ni Filisitia o ira na Isireli me ra vagatara na nodra i yaya ni siviyara, matau, kei na i sele;

21ka i sau vakailavo ni vagatari matau kei na moto ni bulumakau e 4 na karamu na sikele, ka i sau ni vagatari yame ni siviyara kei na i vakamalumu ni qele e 8 na karamu na sikele.

22Ena vuku ni ka oqo, a sa sega kina na i seleiwau se moto me tu vei ira na Isireli ena gauna ni valu, ka vakavo ga o Saula kei na luvena o Jonacani.

23Era sa lesia na Filisitia e dua na matailawalawa sotia me ra taqomaka voli na i curucuru mai Mikimasi.