Vakarua 15 - Vakavakadewa Vou kei na iVola tale eso（FNVDC12）

Na i Kavitu ni Yabaki(Vsoro 25.1-7)

1“Ena veiyavitu na yabaki, mo ni bokoca laivi na nodra dinau kece o ira era dinau vei kemuni.

2Me vakaoqo na kena i vakarau: o ira yadua era solia na dinau vua e dua na nona i tokani na Isireli me bokoca laivi. Me kakua ni la'ki soqona mai na i sau ni dinau, baleta ni sa kacivaki oti na yabaki ni veisereki i Jiova.

3E rawa mo ni la'ki soqona mai na i sau ni nona dinau e dua na vulagi, ia mo ni kakua ga ni la'ki taura mai na i sau ni nona dinau e dua vei kemuni.

4“Ena vakalougatataki kemuni o Jiova na nomuni Kalou ena vanua sa solia vei kemuni mo ni taukena. Ena sega ni dua vei kemuni ena dravudravua

5kevaka o ni talairawarawa vei Jiova ka vakayacora na vunau kece au sa vakarota vei kemuni edaidai.

6Ena vakalougatataki kemuni o Jiova me vaka sa yalataka. O ni na soli i yau ki na veimatanitu e vuqa, ia o ni na sega ni kerekere mai vua e dua tale; o ni na lewa e vuqa na vanua, ia ena sega ni lewai kemuni e dua na matanitu.

7“Kevaka e tiko e dua na tamata dravudravua ena nodra veikoro na wekamuni, ena vanua sa solia vei kemuni o Jiova na nomuni Kalou, mo ni kakua ni bureitaka vua e dua na ka.Na Nodra Sereki na Bobula(Lako 21.1-11)

12“Kevaka sa volitaki vei kemuni e dua na wekamuni Iperiu tagane se yalewa, ka sa qaravi kemuni tiko ena ono na yabaki, mo ni qai sereki koya me galala ena i kavitu ni yabaki. Mo ni cakava oqo, ena qai vakalougatataki kemuni kina o Jiova na nomuni Kalou ena ka kecega o ni sa cakava.

Baleti Ira na Ulumatua ni Bulumakau kei na Sipi

19“Mo ni vakacabora vei Jiova na ulumatua tagane kece ni nomuni bulumakau kei na nomu sipi. Kua ni vakacakacataka na ulumatua ni nomuni bulumakau, se kotiva na vutika ni nomuni sipi ulumatua.