1Ia sa qai kaya vei au o Jiova, “Kevaka e rau mai tu sara mada ga e mataqu o Mosese kei Samuela, au sa na sega ga ni vakaraitaka vei ira na tamata oqo e dua na loloma, vakatalai ira me ra lako tani, ka me ra yali mai na mataqu.
2Kevaka e tarogi vei iko na vanua me ra lako kina, tukuna vei ira ni'u a sa tukuna oti.
Eso era na mate ena mate veitauvi
Ka o ya na vanua era na lako kina!
Eso tale era na mate ena i valu
Ka o ya na vanua era na lako kina!
Eso era na mate ena viakana,
Ka o ya na vanua era na lako kina!
Eso tale ena kau vakabobula
Ka o ya na vanua era na lako kina.
3Au sa lesia e va na ka rerevaki me na yaco vei ira; era na vakamatei ena i seleiwau; ena basuraka na yagodra na koli; era na kania na manumanu vuka; na yagodra ka ra na qai tiloma vakaotia na manumanu kila na veika sa vo.
4Au na vakavuna me ra cati ira na veimatanitu kecega e vuravura me baleta na veika ca e a vakayacora o Manasa na luve i Esekaia mai Jerusalemi ena gauna a tui tiko kina e Juta.”
5A sa kaya o Jiova,
“O cei me na lomani kemuni na kai Jerusalemi,
Se o cei me na tagicaki kemuni?
O cei me na bau tu vakadua me taroga
Se sa vakacava tiko na nomuni i lakolako?
6O ni sa biuti au ga;
Ka vakanadakui au.
O koya oqo au sa dodoka kina na ligaqu
Ka vakarusai kemuni,
Baleta ni'u sa oca na tarovi kemuni tiko.
7Ena veikoro yadua ni vanua oqo,
Au a viritaki kemuni ki na cagi
Me vaka na qa ni sila.
Au a vakarusai kemuni na noqu tamata,
Au sa vakamatei ira na luvemuni,
Baleta ni o ni sega ni biuta
Na nomuni tovo ca.
8Au sa vakavuna
Me levu cake na nomuni yalewa me yada;
Mai na mata ni nuku ni matasawa.
Au sa kauta mai vei ira na tinadra na cauravou
E dua na veivakarusai ena yakavi siga.
Au na mokuti ira vakasauri
Ena mosi kei na rere.
9Sa sega ni vakilai koya
Na yalewa sa vakasucuma e vitu na luvena,
Ka sa vuki na nona rarama me butobuto;
Sa vakamaduataki na tauvi mate ni yalona.
Ka'u sa laivi ira na kemuni meca
Me ra vakamatei ira era sa bula tiko.”
A sa kaya vakaoqo o Jiova.
10Sa levu dina na noqu rarawa! A cava beka sa vakasucumi au mai kina o tinaqu ki vuravura? Au sa sucu mai me'u dauveivala ka dauveileti kei ira kecega na tamata ena vanua oqo. Au sega ni soli lavo ka'u sega ni kerekere, ia era sa rukaki au kecega.
11Kemuni Jiova, me yaco vei au na ka kece era tukuna kevaka au a sega ni qaravi kemuni vinaka, kevaka au a sega ni vakamamasu vei kemuni ena vukudra na kequ meca ena gauna ni nodra leqa kei na rarawa.
12E sega ni dua me musuka rawa na kaukamea, vakauasivi na kaukamea e veiwaki vata kei na parasa mai na vualiku.
13A sa kaya o Jiova, “Au na tala mai eso na mataivalu me ra tokitaka na veika era sa taukena kei na nodra i yau na noqu tamata, me kedra i totogi me baleta na i valavala ca era sa vakayacora ena vanua oqo.
14Au na cakava me ra qaravi ira na kedra meca ena dua na vanua era se sega ni bau kila, baleta ni sa vaka na bukawaqa na noqu cudru, ka na tawa mudu na kena waqa.”
15Ia sa qai kaya o Jeremaia, “Kemuni Jiova, o ni sa kila deivaki ga. Ia mo ni nanumi au mai ka vukei au. Ni sauma na veika ca sa caka vei au kivei ira era vakararawataki au. O ni sa dau vosota sara vakadede, ia ni kakua ni kauti au tani. Ni nanuma na noqu daucolata voli na veivakacacani ena vukumuni.
16O ni a vosa vei au ka'u a vakarorogo ki na nomuni vosa kece; ka sa kauta mai vei au na reki kei na marau ni lomaqu: ni'u sa okati ena yacamuni, o Jiova na Kalou Kaukauwa.
17Au na sega ni vakayagataka na noqu gauna vata kei ira na tamata tani, ena dredre ka marautaka na bula. Au sa to taudua voli ga, me baleta na nomuni vosa o ni solia vei au ka'u sa vakasinaiti ena rarawa.
18A cava beka sa sega ni oti kina na noqu rarawa? O ni sa nakita beka mo ni vakamaduataki au me vaka na uciwai sa maca ena gauna ni katakata?
19O koya oqo sa kaya kina o Jiova, “Kevaka o na lesu mai, au na ciqomi iko tale, o na yaco tale mo noqu dauveiqaravi. Kevaka o sa tukuna ga na veika yaga ka segai na veika tawa yaga, o na yaco mo noqu parofita tale. Era na qai golevi iko mai na tamata, ka na sega tale ni yaga mo na dau lako vei ira.
20Au na qisi iko mo vaka e dua na lalaga parasa kaukauwa vei ira na tamata oqo. Era na veivala kei iko, ia era na sega ni vakamalumalumutaki iko. Au na tiko vata kei iko me'u taqomaki iko ka maroroi iko.
21Au na vakabulai iko mai na nodra kaukauwa na tamata ca kei ira na dauveivakasaurarataki, a sa kaya o Jiova.”
Who We AreWhat We EelieveWhat We Do
2025 by iamachristian.org,Inc All rights reserved.
