Yalomatua 12 - Vakavakadewa Vou kei na iVola tale eso（FNVDC12）

1Na yalomuni tawamudu e tawana na veika kece.

2O koya gona oni dau vakadodonutaki ira vakamalua na cala, oni vakadreta vei ira nodra cala, vakasalataki ira mera na sereki kina mai na ca, mera qai nuitaki kemuni saka na Turaga.

Nodra ivalavalaca na kai Kenani

3 Vrua 12.31; 18.9-13 O ira na se tawana makawa nomuni vanua tabu,

4oni sevaki ira e na nodra ivakarau vakasisila, na vakadraudrau, na vakatevoro,

5nodra labati ira vakatawaloloma na gone lalai, kei na nodra kana lewe kei na dra ni tamata e na magiti ni isoro. O ira na vakaitavi e na itovo vakatevoro qo,

6o ira na itubutubu era dau labati ira na vakaloloma, oni a lewa moni mokuti ira e ligadra na neimami qase,

7mera na tawana ga na tamata yadodonu ni Kalou na qele e talei duadua vei kemuni.

8Lako 23.28Ia o ira mada ga qo oni a maroroi ira, nira tamata ga; oni tala vei ira na pi mera yatuiliu ni nomuni mataivalu, mera vakamalumalumutaki ira vakamalua.

9A sega ni dredre moni soli ira na tamata ca vei ira na tamata vinaka e na ivalu, se moni vakawabokotaki ira sara e na manumanu kila, se nomuni vosa mana.

102Es 9.11Ia nomuni vakalewai ira vakamalua, oni solia kina na gauna mera veivutuni kina, nioni sega ni lecava nira vu mai na ca, era sucu kaya mai, e na dua tu ga nodra itovo ni vakasama.

11Era kawa ca tu ga mai. E sega ni vu e na rere na nomuni sega ni totogitaki ira e na nodra ivalavalaca.

E cecere duadua na Kalou

12O cei e na kaya, “Na cava oni sa cakava?” Se o cei e na vorata na nomuni lewa? O cei e na beitaki kemuni e na nomuni vaqeyavutaka na veimatanitu oni a bulia? Se o cei me na tu e matamuni me tavaki ira na tawadodonu?

13O kemuni na Kalou oni lomana na veika kece. E sega tale na kalou moni vakadinadinataka vua na dodonu ni nomuni lewa.

14E sega tale ga na tui se masi ni vanua me vaqaqa na nomuni veitotogitaki.

15Oni yalododonu, oni lewa vakadodonu na veika kece. E sega ni nomuni itovo ni vakatulewa moni vakacala e dua e sega ni dodonu me totogitaki.

16Nomuni sau e ivurevure ni yalododonu; na nomuni lewa na ka kece, oni lomana kina na ka kece.

17Oni dau vakaraitaka na nomuni sau ni vakatitiqataki na cecere ni nomuni lawa; o koya e kila qo qai viavialevu ga, oni cudruva.

18E tawayalani na nomuni sau, e tau vakamalua ga na nomuni lewa; e rawa nioni vakatulewa e na gauna cava ga, oni veiliutaki ga e na yalovosota levu.

19E na cakacaka vaqo, oni sa vakavulici ira kina nomuni tamata me dau loloma na tamata yalododonu; oni sa vakayalonuinuitaki ira na luvemuni e na nomuni solia mera veivutunitaka na ivalavalaca.

20Oni a totogitaki ira gona e na loloma kei na vosota na kedra meca na nomuni tamata kei ira na dodonu mera vakamatei, moni solia kina vei ira na gauna mera muduka nodra cala.

21Ia sa wacava nomuni totogitaki keimami na luvemuni, veitalia na veika vivinaka oni a yalataka vei ira na neimami qase!

22Oni dau cudruvi keimami, ia e vakatininaudolutaki na warumisa ni nomuni cudruvi ira na keimami meca, me keimami dau nanuma kina na nomuni yalovinaka e na neimami vakatulewa, me keimami na namaka tale ga na loloma e na neimami sana lewai.

Nodra kuitataki na kai Ijipita

23O koya gona, o ira era dau valavalaca e na levu ni lialia, oni a kuitataki ira e na nodra qarava na kalou lasu.

24Era sese vakalevu e na ivalavalaca, era qarava vakalou na manumanu era sevaka mada ga na kedra meca; era veidabuitaki vaka na gone yalowai.

25O koya gona, oni a lewa mera vakalialiai me vaka na gone yalowai.

26Ia o ira era sa vakanadakuya nomuni veivunauci malua, e na tau donu vei ira na lewa ni Kalou.

27E na levu ni nodra rarawa era sa cudruvi ira na manumanu era qarava tu vakalou, ni vu ga vei ira na nodra kuitataki; era sa qai kila ni Kalou dina o koya era dau besetaka e liu. Koya gona era cola kina na itotogi levu duadua.