Siraki 12 - Vakavakadewa Vou kei na iVola tale eso（FNVDC12）

1

7Soli vua na tamata vinaka, kua vua na dauvalavalaca.

8E na gauna ni sautu e dredre na kila se o cei na itokani dina; e na gauna ni leqa sa macala ga na keda meca.

9Ni dua e tiko vinaka, e votivoti vei ira na kena meca; ni kune leqa, era na drovaki koya nona itokani.

10Kua vakadua ni vakabauta na kemu meca, ni vaka na veveka ni kopa na nona ca.

11Kevaka mada ga e vakarokoroko voli, me yadra nona vakasama, mo qarauni koya,

ni vaka tu na iloilo, seo qusia vakacava, na veveka e na tu ga.

12Kua ni vakadaberi koya e yasamu de kovea nomu itutu;

kua ni vakadaberi koya e yasamu imatau de via kovea nomu itutu dokai;

o na qai kila na dina ni noqu vosa, vakila na kena mosimosi.

13O cei e na lomana na dau susu gata e kati koya na gata, se e dua e douvaka na manumanu kila?

14E sega gona ni dua e na lomana e dua e maliwai ira na dauvalavalaca, qai coko tale e na nodra cala.

15E na tomani iko vakalekaleka, ia ni o tarabe, sana biuti iko.

16Na kemu meca e na mari iko e gusuna, ia e lomana e na nakinaki tiko me kolotaki iko i na davuke;

e na turu na wainimatana e na vukumu, ia ke kunea e dua na laqa lailai, e na dave ga na dra.

17Nio kune leqa, e na tu e matamu; e na vukei iko vakalasulasu, qai lalia na yavamu;

18e na kure ulu, vakasausau, vakasolokakana, qai levu na ivukivuki ni matana.