1Sa qai vakarota mera vakacurumi koya i na vanua e tu kina na nona disi siliva, mera qai vakarautaka na teveli, me soli sara ga vua na kena kei na mena waini.
2Tani 1.8; Gk Est C.28 Qai kaya o Udite, “E sega ni rawa niu kania, e tabu; au na kania ga na qau ivaqa.”
3A kaya vua o Oloferenesi, “Ke oti koso na kemu, me kau tale mai vei? E sega na kai nomu e ke.”
4A sauma o Udite, “Isa saka lei, e na rawa sara na itavi e talai yau mai kina na Turaga qai oti na qau ivaqa na nomuni italai.”
5Era qai vakacurumi koya i valelaca na italai nei Oloferenesi, sa qai moce me yacova na bogilevu, qai mata e na mataka lailai.
6Sa talatala vei Oloferenesi me kaya, “Moni lewa saka mada qo me vakatarai na nomuni italai me lai masu i tuba.”
7Sa qai vakaroti ira na yadra o Oloferenesi mera kua ni tarovi koya. E siga tolu nona tiko e na keba, veibogi e dau lako i na buca o Beculia me sili e na vure.
8Ni dau cabe na sili, e dau masuta na Turaga na Kalou ni Isireli me vakasalataki koya e na nodra vueti na kai nona.
9Ni qai lesu mai, sa savasava vinaka tu, mai vakatawa valelaca me yacova ni sa vakayakavi.
Na kanavata nei Oloferenesi10E na ikava ni siga, a vakarautaka o Oloferenesi e dua na kanavata me kedra ga na nona italai, a sega ni sureta kina e dua na nona turaganivalu.
11Sa tukuna vei Bakoasi, na nona tagane sele e dau qarava na veika baleti koya, “Lai maria mada na yalewa ni Iperiu o vakatawana tiko me mai tomani keda e na kana kei na gunu.
12E na vakamadua kevaka eda laiva e dua na yalewa vaqori da sega ni marau vata kaya. Keda sega ni wedevi koya, e na vakalialiai keda tale.”
13Sa qai biuti Oloferenesi o Bakoasi, lai kaya vei Udite, “Mo yalovinaka vada matakamica mo lai vulagi dokai ni noqu turaga, meda mai gunu waini, da marau, mo yaco nikua mo vakataki ira na yalewa ni Asiria era veiqaravi tu e na vale nei Nepukanesa.”
14A kaya o Udite, “O cei o yau meu beca noqu turaga? Na ka ga e lomana au na cakava sara; e na vu ni marau vei yau me yacova na mate!”
15Sa qai tu, sauni koya e na iukuuku taucoko vakayalewa, sa qai lai tevuka o nona vada e mata i Oloferenesi na kulinisipi malumu a solia vua o Bakoasi, me davo kina e na gauna ni kana.
16Sa qai mai davo kina o Udite. Sa leqa vakadua na yalo i Oloferenesi ni sa domoni koya sara ga, sa via taukeni koya, ni a dau saga voli me rawai koya me tekivu sara mai na imatai ni siga a raici koya kina.
17Sa qai kaya vua o Oloferenesi, “Gunu mada, meda marau!”
18A kaya o Udite, “Au na gunu dina saka, baleta nikua na siga uasivi duadua vei yau e na noqu bula taucoko.”
19Sa qai vakayagataka e mata i Oloferenesi na kena kei na mena e vakarautaka o nona vada.
20Na levu ni nona marautaki koya o Oloferenesi, sa mani gunu waini vakalevu me vaka e sega ni bau gunuva e na dua na siga e na nona bula taucoko.
Who We AreWhat We EelieveWhat We Do
2025 by iamachristian.org,Inc All rights reserved.
