Niemaia 10 - Vakavakadewa Vou kei na iVola tale eso（FNVDC12）

1Vei ira ka sainitaka na vola ni veiyalayalati, a liu taumada o Niemaia na kovana, na luve i Akalaia; a taravi koya o Setekaia;

2Vei ira na bete: o Siraia, o Asaraia, o Jeremaia,

3o Pasuri, o Amaraia, o Malikaia,

4o Atusi, o Sipanaia, o Maluki,

5o Erimi, o Meremoce, o Opetaia,

6o Taniela, o Kiniconi, o Baruki,

7o Mesulame, o Apaijia, o Maijamini,

8o Masaia, o Pilikai, kei Simaia.

9Vei ira na Livai: o Jesua na luve i Asanaia, o Pinui mai na vuvale i Iniatati, o Katimieli;

10kei iratou na wekadra, o Sipanaia, o Otaia, o Kilaita, o Pilaia, o Anani,

11o Maika, o Riopi, o Asataia,

12o Sakuri, o Siripaia, o Sipanaia,

13o Otaia, o Bani, kei Pinainu.

14O ira na nodra i liuliu na tamata: o Parosi, o Peacimoapi, o Ilami, o Satu, o Bani;

15o Puni, o Asikati, o Pipai,

16o Atonaija, o Pikivai, o Atini,

17o Ateri, o Esekaia, o Asuri,

18o Otaia, o Asumi, o Pisai,

19o Arifa, o Anacoci, o Nipai,

20o Makipiasi, o Mesulame, o Esiri,

21o Mesesapeli, o Setoki, o Jatua,

22o Pelataia, o Anani, o Anaia,

23o Osea, o Ananaia, o Asupi,

24o Aloesi, o Pila, o Sopeki,

25o Riumi, o Esapina, o Maseia,

26o Eaia, o Anani, o Enani,

27o Maluki, o Erimi, kei Peana.

Ai Tukutuku Leleka ni Veiyalayalati

28“O keimami oqo na Isireli, o ira na bete, o ira na Livai, o ira na dauyadrava na vale tabu, na daunisere ni vale tabu, na dauveiqaravi ni vale tabu, kei ira kece era sa vakatabui ira ena vuku ni nodra talairawarawa ki na Lawa ni Kalou baleta ni ra sa tawasei ira mai vei ira na vulagi era bula tiko ena noda vanua, sai keimami oqo, vata kei ira na wati keimami kei ira na luvei keimami era sa yalomatua,

29keimami sa duavata kei ira na neimami qase ena neimami yalayala oqo, ka me keimami cudruvi kevaka keimami sa voroka, ni keimami sa na muria na Lawa ni Kalou sa solia na Kalou vei Mosese na nona tamata; ni keimami na talairawarawa ki na veivakaro kece i Jiova, na Turaga; ka maroroya na nona lewa taucoko kei na nona i lesilesi.

30Keimami sa qai vakatabuya na nodra veiwatini na luve i keimami kei na luvedra era sega ni Jiu,

Ena i kavitu ni yabaki kece, keimami na sega ni teivaka na qele ka bokoca laivi na dinau kece sara era sega tu ni saumi.

32Ena veiyabaki, keimami sa bolea na tagane yadua me keimami solia e 5 na karamu na siliva me vukea na kena saumi na veicakacaka ni Valenisoro.

33Keimami na vakarautaka na veika oqo me baleta na qaravi ni vakacaboisoro: na madrai tabu, na i madrali laukana ena veisiga, na manumanu me vakacabori ena veisiga, na i soro tabu ni Siga ni Vakacecegu, na i soro ni Solevu ni Vula Vou, na i soro ni veisolevu tale eso, na i madrali tabu eso, na i soro me bokoci kina na nodra i valavala ca na Isireli, kei na veika cava ga sa gadrevi me baleta na Valenisoro.

34Ena veiyabaki, keimami na dau vakayacora na vakawiri madigi ena kedra maliwa na bete, kei ira na Livai, kei ira na lewenivanua, me lesi kina na i tuvatuva ni nodra vakarautaka na buka ni vakacaboisoro vei Jiova o ira na veivuvale ni neimami qase, me vaka sa volai tu ena Lawa.

35Ena veiyabaki, keimami na dau kauta ki na Valenisoro me neimami i sevu na i matai ni itei sa tamusuki kei na i matai ni vuata dreu mai na veivuata yadua.

36Keimami na kauti ira na neimami ulumatua tagane vei ira na bete ena Valenisoro, ka cabori ira e kea vua na Kalou me vaka sa volai ena Lawa. Keimami na cabora talega vakakina na veiulumatua ni neimami bulumakau yadua, kei na ulumatua ni sipi kei na me yadua.

37Keimami na kauta vei ira na bete ena Valenisoro na i sevu ni madrai droka sa vakarautaki mai na i sevu ni sila sa tamusuki ena veiyabaki, ka vakakina na i sevu ni waini, kei na waiwai olive, kei na veimataqali vuata kecega me ra vakacabori.

Keimami na kauta vei ira na Livai na i katini ni vua ni qele sa tamusuki mai na neimami vanua, baleta ni ra dau soqona o ira na Livai na i katini mai na neimami veikoro ni teitei.

38O ira na bete mai na kawa i Eroni me ra na dautiko vata kei ira na Livai ena gauna e kumuni kina na i katini, ka me ra dau kauta mai na Livai ki na Valenisoro na i katini ni veikatini kece sa kumuni, ka me na maroroi oqo ena loma ni rumu ni maroroi yaya ni vale tabu.Tiko 18.26

39O ira na Isireli kei ira na Livai me ra na kauta na veisolisoli kece me vaka na sila, na waini, kei na waiwai olive ki na rumu ni maroroi yaya ni vale tabu, oqori ena vanua e dau maroroi kina na i yaya ni vakacaboisoro ka ra dau tiko talega kina o ira na bete era cakacaka tiko, kei ira na dauyadrava na katuba, kei ira na dausere.

Keimami na sega sara ni weletaka na cakacaka me baleta na nona vale na neimami Kalou.