Isikeli 26 - Vakavakadewa Vou kei na iVola tale eso（FNVDC12）

Na Parofisai me Baleti Taia

1Ena i matai ni siga ni vula, ena i katini kadua ni yabaki, a vosa mai vei au o Jiova, ka vaka,

17Era na lagata

e dua na sere ni lolosi ena vukumu,

Ka kaya vei iko,

‘Na nomu sa yali mai na veiwasawasa.’

O iko na koro rogo levu ka kilai,

Ka gugumatua ena veivoli e wasawasa,

O iko kei na lewe ni nomu koro,

O ira ka ra vakararawataki ira ena loma ni vanua!

18Ia oqo era sa sautaninini na veiyanuyanu

Ena siga o a bale sobu kina;

Io, na veiyatu yanuyanu ka ra ciri koto e wasawasa

Era domobulataka na nomu sa yali.”

19A sa tukuna vakaoqo na Kalou o Jiova: “Ni'u sa cakava mo koro lala, me vaka na veikoro sa sega tu ni tawani, ni'u sa kauta cake mai na wasa titobu, ka luvuci iko ena wai levu;

20ni'u na kauti iko sobu kei ira ka siro ki na i Keli, vei ira na tamata e liu, ka vakatikori iko ena ruku ni vuravura, ena veitikina sa rusa makawa, mo kakua kina ni tawani tale, se me dua na nomu i tikotiko ena nodra vanua na bula tiko.

21Ka'u na vakayacora vei iko e dua na i tinitini vakadomobula, ka o na qai yali sara; ia sa dina o sa na dau vinakati ka qarai, ia o na sega sara ni kune tale, sa kaya na Kalou o Jiova.”