1E na ika160 ni yabaki, a sobu kina o Alekisada Epifane na luve i Adioko mai Tolemaisi, a qai tawana. A ciqomi kina, mani mai veiliutaki yani.
2Ni sa rogoca o Demetirio na tui, a soqona e dua na mataivalu vakaitamera, cavutu yani merau vala.
3Sa volavola o Demetirio vei Jonacani e na vosa malumu ni veirokovi,
4ni kaya e lomana “Me keirau veisaututaki rawa derau qai tovata kei Alekisada merau vorati yau,
5ni na tugana tiko na noqu cala kece vei koya, kei ira na wekana, kei nona vanua.”
6Sa mani vakadonuya vua o Demetirio me soqoni ivalu, vakaiyaragitaki ira, mera nona ito; sa vakarota tale ga mera sereki vua na vesu tu e na koronivalu.
7Sa qai lako mai o Jonacani i Jerusalemi, wilika kina na ivola mera rogoca na lewenikoro kece kei ira na tiko e na koronivalu.
8Era kidroa vakalevu nira rogoca ni sa vakadonuya vua na tui me soqoni ivalu.
9Era sereki na vesu tu mai na koronivalu vei Jonacani, sa qai vakasukai ira vei ira nodra itubutubu.
10A vakaitikotiko e Jerusalemi o Jonacani, mani tekivu vakacokotaka na koro.
11A tukuna vei ira na viribai tiko mera kovuti Dela i Saioni e na vatu rivirivi me dei kina, era mani vakayacora.
12Era sa qai dro na kaitani era tu e na koronivalu a tara o Bakitesi;
13era dui cavutu mera lesu tale i nodra vanua.
14E Becisuri ga era qai vo tu kina e so vei ira na beca na lawa kei na ivakaro, ni a wili tu me idrodro.
15Sa qai rogoca o Alekisada na tui na yalayala kece nei Demetirio vei Jonacani, talanoataki tale ga vua na ivalu eratou sa vala kina o Jonacani kei iratou na tacina, na veika lelevu eratou sa cakava kei na leqa eratou sa vosota.
16Sa mani kaya, “Eda na kunea tale beka e dua vaqo? Vakacava me sa wekada, me noda ito.”
17Sa qai vakauta vua e dua na ivola, vaqo:
18“Tui Alekisada vei wekaqu o Jonacani, bula vinaka.
19Au sa rogoca na kemu itukutuku ni o iko na qaqa levu, e vinaka mo neimami ito.
20Au sa lesi iko kina nikua mo betelevu ni nomu vanua; o na vakatokai mo itokani ni tui; eda na tovata, eda na veitokani.” Sa qai vakauta vua na isulurabe lokaloka kei na isala koula.
21Sa qai vakaisulu tabu o Jonacani e na ikavitu ni vula ni ika160 ni yabaki e na solevu ni vale vakacevaceva, sa qai soqoni ivalu, vakaiyaragitaki ira sara vakavinaka.
Tokoni Alekisada Epifane o Jonacani22Ni sa rogoca na veika qo o Demetirio, sa rarawa vakalevu, a kaya:
23“Na cava eda sa cakava qo? Sa siviti keda o Alekisada e na nona tovata kei ira na Jiu me qaqa kina.
24Au na vola tale ga vei ira na vosa ni veivakayaloqaqataki, yalataka vei ira na itutu dokai kei na iloloma mera na vukei yau kina.”
25Sa qai vakauta vei ira na itukutuku qo:
“Tui Demetirio vei ira na matanitu vakaJiu, ni bula vinaka.
26Keimami sa rogoca, keimami marautaka vakalevu nomuni dei e na noda veiyalayalati, nomuni dina e na veitokoni, nomuni sega ni vukei ira na meca.
27Moni dina tiko ga vei keimami, keimami na qai sauma vakayauyau na ka oni cakava vei keimami.
28Keimami na solia vakalevu na galala mai na ivakacavacava, kei na iloloma.
29“Au sa vagalalataki iko kei ira kece na Jiu mai na saumi ivakacavacava raraba, na ivakacavacava masima, kei na ivakacavacava tale e so.
301M 11.34Na dua na ikatolu ni vuaniqele kei na veimama ni vuanikau e dodonu me sevu vei yau, au sa vakasuka nikua me lako yani. Au na sega ni kumuna mai na vanua o Juta se mai na kena vanua qali e tolu mai Samaria kei Kaleli, nikua me tawamudu.
31Na yasayasa vakaJerusalemi, kena ivakacavacava kei na ilavo e rawata, sana tabu, sana sega ni vakacavacavataki.
32Au sa sereka tale ga na koronivalu e Jerusalemi, au solia vua na betelevu me lesi ira ga na matayadra.
33Na Jiu kece era kau vakavesu e na noqu vanua qali, au sa sereki ira qo, sega ni saumi; mera bokoca tale ga na vakailesilesi kece nodra ivakacavacava ni bulumakau.
34“Na solevu kece, siga ni vakacecegu, vulavou, siga digitaki, kei na tolu na siga se bera na solevu kei na tolu e muri - me siga kece ni galala vei ira kece na Jiu e na noqu matanitu.
35Me kua ni dua e lala vei ira se vakasosataki ira e na ka cava ga.
36“Mera lewe tolusagavulu na udolu na Jiu mera vakacurumi e na mataivalu ni tui; mera saumi tale ga me vakataki ira kece na mataivalu ni tui.
37E so mera yadra e na koronivalu lelevu ni tui, e so mera lesi i na itutu nuitaki vakamatanitu. Nodra turaganivalu kei nodra iliuliu mera kaivata ga, mera muria ga nodra lawa me vaka sa vakarota na tui e na vanua o Juta.
38“Na vanua e tolu eratou sa qali i Jutia mai Samaria, meratou sa qali dina sara kina, me dua ga na iliuliu, mera vakarorogo duadua vua na betelevu.
39Na yasayasa vakaTolemaisi au sa lolomataka i na valetabu e Jerusalemi me saumi kina na kena qaravi.
40Au solia tale ga e tinikalima na udolu na sikeli siliva e na veiyabaki me na veitauriyaki mai na ilavo ni tui.
41Na ilavo kece tale ga era sega ni sauma na vakailesilesi vakamatanitu me vaka e liu, era sana solia qo me qaravi kina na valenisoro.
42Na lima na udolu tale ga na sikeli siliva era dau taura e veiyabaki noqu vakailesilesi mai na veiqaravi e valenisoro, sa boko tale ga, baleta ni nodra na bete era veiqaravi kina.
43O koya e lai dro i valenisoro e Jerusalemi se kena lomanibai baleta ni dinau tu vua na tui, se vua tale e dua, me sereki, me vakasukai vua nona iyau kece e na noqu matanitu.
44“Na tara vou kei na vakavinakataki ni vale tabu, me saumi mai na ilavo ni tui.
45Na viria vou na bai kei Jerusalemi kei na bai kei Jutia, me saumi tale ga mai na ilavo ni tui.”
46Nira sa rogoca o Jonacani kei ira na lewanivanua na vosa qo, era sega ni vakabauta se ciqoma, nira nanuma na ca levu a cakava o Demetirio e Isireli kei na nona vakalolomataki ira vakalevu.
47Era vinakati Alekisada, ni a liu e na veisaututaki kei ira, era mani tovaki koya nona bula taucoko.
48Sa kumuna o Alekisada na tui e dua na mataivalu levu, qai keba donumaki Demetirio.
49Erau sa veivaluvaluti na tui, qai dro na mataivalu nei Demetirio; a cemuri koya o Alekisada, qai vakadrukai ira.
50A tabalaka na ivalu me yacova ni dromu na siga, mani bale o Demetirio e na siga ya.
51Sa qai tala mata o Alekisada vei Tolemi na tui Ijipita me tukuna qo:
52“Me vaka niu sa lesu tale mai i noqu vanua au sa mai dabe e na nodra idabedabe vakatui na tubuqu, sa dei noqu veiliutaki - niu sa vakadrukai Demetirio, au sa liutaka tale neimami vanua;
53keirau a veivaluvaluti, era druka vakaloloma o koya kei nona mataivalu; sa mai noqu kina na ulu ni veiliutaki e na nona matanitu -
54ya gona, medaru tovata mada; ni solia mai na luvemuni me watiqu, daru na veivugoni kina, au na vakaiyautaki kemudrau me ganita nomuni itutu.”
55A sauma mai o Tolemi na tui, “Kalougata na siga oni lesu tale mai kina i na nodra vanua na tubumuni me nomuni kina na idabedabe vakatui ni nodra matanitu.
56Au sana cakava na ka oni vola mai, ia medaru sota e Tolemaisi medaru veirai kina, daru na qai veivugoni me vaka oni kaya.”
57Erau sa qai biuti Ijipita mai o Tolemi kei luvena o Kiliopatara, rau yaco i Tolemaisi e na ika162 ni yabaki.
58A tavaki koya o Alekisada na tui, qai soli Kiliopatara na luvena o Tolemi me watina, mai solevutaki na vakamau e Tolemaisi me vaka na kena ivakarau vakatui.
59Sa qai volavola o Alekisada na tui vei Jonacani merau mai sota.
60Sa mani cavutu vakaturaga i Tolemaisi me sota kei rau na tui; nona ikaukau vei rau kei ira nodrau ilala na siliva, na koula kei na iloloma tale e so, sa mani donu e matadrau.
61E dua na ilala vakatubu ca basulawa mai Isireli, era mai beitaki koya, e sega ga ni kauaitaki ira na tui.
62Sa vakarota me luva na isulu nei Jonacani me vakaisulu lokaloka, era cakava vakina.
63Sa vakadaberi koya tale ga na tui e yasana, kaya vei ira nona turaganivalu, “Dou kauti koya i loma donu ni koro, dou kacivaka me kua ni dua e beitaki koya e na dua na ka, se me vakasosataki koya.”
64Nira sa raica na beitaki koya na nona dokai me vaka sa kacivaki, kei na nona vakaisulu lokaloka tu, era dro kece.
65Sa rokovi koya gona na tui, wiliki koya me dua nona itokani dredre, lesi koya me turaganivalu, kovana ni yasana.
66Sa qai lesu o Jonacani i Jerusalemi e na yalovakacegu kei na marau.
Vakadrukai Apolonio o Jonacani67E na ika165 ni yabaki, a biuti Kiriti mai kina o Demetirio, na luve i Demetirio levu, me lesu tale i nona yavutu.
68Ni sa rogoca o Alekisada na tui, sa rarawa vakalevu sara, lesu i Adioki.
69O Demetirio sa qai lesi Apolonio me kovana kei Koelesiria, mani soqona e dua na mataivalu levu, keba donumaki Jaminia. Sa qai vakauta na itukutuku qo vei Jonacani na betelevu:
70“O iko duadua o vorati keimami, au sa mai veiwalitaki, au kaseti baleti iko. Na cava o sa vorata kina na neimami lewa mai colo?
71Keo sa boletaka nomu mataivalu, siro sobu mai buca meda vala, meda veilecalecavi qaqa kina, ni sa tovata kei yau na koro lelevu.
72Taroga mada mo kila se o cei o yau kei ira noqu ito. E na tukuni vei iko nio na sega ni vorati yau rawa, o ira mada na tubumu era a cemuri vakarua e na nodra vanua.
73O na sega ni vorata rawa noqu mataivalu vodo ose kei na noqu mataivalu levu e na buca, ni sega kina na vatu se qereqere, se idrodro.”
74Ni sa rogoca o Jonacani na vosa nei Apolonio, sa yalokatakata. A digitaka e le tini na udolu, ra qai cavutu mai Jerusalemi. A lai tomani koya tale ga o Saimoni na tuakana me vukei koya.
75A keba donumaki Jopa, ia era sogota vei ira na matamata na lewenikoro, ni tu kina e dua na iwase ni mataivalu nei Apolonio.
76Era mani kabakoro. Sa tuburi ira na rere na lewenikoro, ra mani dolava na matamata, sa qai nei Jonacani o Jopa.
77Ni sa rogoca qo o Apolonio, sa soqona e tolu na udolu na sotia vodo ose kei na dua na mataivalu levu, qai gole i Asoto, me vaka ga e via sivita. E na gauna vata qori, a toso yani kina i loma ni buca, ni levu tiko na nona sotia vodo ose nuitaki.
78A vakamuri koya o Jonacani i Asoto, rau mani vala na mataivalu e rua.
79Ia a biuta lo mai muri o Apolonio e dua na udolu na sotia vodo ose.
80Sa kila o Jonacani ni sa lawavaki e dakuna, era sa kovuta na nona mataivalu, era vanalaki ira tiko nona tamata e na dakaititi e na mataka lailai me yacova na yakavi.
81Ia era tudei nona tamata me vaka na lewa nei Jonacani, era sa oca mai na ose ni meca.
82Sa qai tosoi ira mai nona mataivalu o Saimoni mera vala kei na mataivalu taubale (nira sa oca na ose); era sega ni taqei ira rawa na meca, ra dui se,
83na mataivalu vodo ose era dui dro e buca. Era dro i Asoto, ra qai vaqara bula i Becidakoni, na valenilotu ni nodra kalou matakau.
84Ia o Jonacani a visai Asoto kei na veikoro voleka, yanaraki ira; a visa tale ga na valenilotu ni Dakoni kei ira kece era vakaruru kina.
85Era le walu na udolu na mate e na ivalu, wili kina na kama bulabula.
86Sa qai cavutu mai kea o Jonacani, keba donumaki Esikaloni, era qai gole mai lomanikoro na lewena mera kidavaki koya vakaturaga.
87Sa qai usana lesu i Jerusalemi o Jonacani kei ira nona ito e levu na itokinivalu.
88Ni sa rogoca qo o Alekisada na tui, sa qai rokovi Jonacani ga vakalevu;
89qai vakauta vua e dua na bakala koula, na kena e dau soli vei ira na yavusa turaga. Sa solia tale ga me nona o Ekironi kei na kena yasayasa kece.
Who We AreWhat We EelieveWhat We Do
2025 by iamachristian.org,Inc All rights reserved.
