1A qai vosa vei ira kecega na Isireli o Samuela, ka kaya “Raica, au a vakarorogo vei kemuni ena veika kecega o ni a kerea vei au, ka'u sa vakatikora kina vei kemuni e dua na tui me vakataulewa ena vukumuni.
2Ena gauna oqo, e sa na liutaki kemuni na tui. Ia, oi au sa qase sara ka ratou sa tiko kei kemuni na luvequ. Au a liutaki kemuni voli mai na gauna ni noqu cauravou me yacova mai na siga oqo.
3Sai au oqo. Kevaka au sa vakayacora e dua na cala, mo ni beitaki au ena gauna sara ga oqo ena mata i Jiova kei na mata ni nona lumuti, na tui. Au a kovea beka li na nona bulumakau e dua na tamata, se na nona asa? Au a lawakitaka beka li e dua na tamata? Au a taura li mai vua e dua na tamata e dua na ka ena sala dukadukali? Ia kevaka au sa vakayacora e dua vei ira na ka oqo, au na sauma lesu tale vei kemuni.” era a qai tagi vei Jiova o ira na nomuni qase ka qai talai Mosese kei Eroni kina o Jiova me rau la'ki kauti ira tani mai Ijipita, ka mai vakatikori ira ena vanua oqo. kei Baraki, kei Jefica, vata kei au o Jiova. O keitou yadua a vueti kemuni mai na ligadra na nomuni meca era a tiko volivoliti kemuni, ka o ni a qai tiko vakacegu kina.
13“Raica, sa tu oqo na tui o ni a digitaka; o ni a kerea, ka sa solia vei kemuni o Jiova e dua na tui.
14Ia ena basika na vinaka kevaka o ni na rerevaki Jiova ka qaravi koya, ka vakarorogo ki na nona vosa, ka sega ni talaidredre ki na nona i vakaro, oi kemuni kei koya talega na tui sa lewai kemuni.
15Ia kevaka o ni na sega ni vakarorogo ki na vosa i Jiova, ka talaidredre ki na nona i vakaro, ena qai saqati kemuni kei ira na nomuni tui na liga i Jiova.
16Ia oqo, mo ni tu mada ka raica na ka levu ena cakava e matamuni o Jiova.
17Sa sega li ni vula i mamaca ni tamusuki witi oqo? Ia, ka'u na masuti Jiova me solia mai na kurukuru kei na uca. Ni sa yaco vakakina, o ni na qai raica ka kila kina na levu ni nomuni valavala ca o ni a cakava ena mata i Jiova ena vuku ni nomuni kerea me dua na nomuni tui.”
18A qai masu vei Jiova o Samuela; a sa solia mai o Jiova na kurukuru kei na uca ena siga o ya. Era sa qai rerevaki Jiova vata kei Samuela o ira kecega na tamata.
19Era a kaya vei Samuela o ira kecega na tamata, “Mo masulaki keimami mada vei Jiova na nomuni Kalou, me keimami kakua ni mate; keimami sa kuria na neimami i valavala ca ena neimami kerea me dua na neimami tui.”
20A qai vosa o Samuela vei ira na tamata, ka kaya, “Ni kakua ni rere, ni o ni sa cakava oti na ka oqo; ia ni kakua ga ni gole tani mai vei Jiova;
21Mo ni kakua ni goleva na veikalou buli ena liga; era na sega ni vukei kemuni se vakabulai kemuni, baleta ni ra sega ni ka dina.
22Ni sa cakava o Jiova na nona yalayala, io ena sega ni laivi kemuni ka ni sa marautaka na nona vakayacori kemuni me nona tamata digitaki.
23Ia vei au, me'u kakua sara ni caka cala vei Jiova mai na noqu tarova na noqu dau masulaki kemuni. Ia, au na vakavulici kemuni ena i valavala vinaka ka dodonu.
24Mo ni rerevaki Jiova ga, ka qaravi koya vakaidina ena yalomuni taucoko. Ia mo ni nanuma na veika lelevu sa cakava vei kemuni o koya.
25Ia kevaka o ni vakayacora tikoga na i valavala ca, o ni na vakarusai vata kei na nomuni tui.
Who We AreWhat We EelieveWhat We Do
2025 by iamachristian.org,Inc All rights reserved.
