1O Saimoni gona, koya asa veretaka nona vanua e na itukutuku lasutaki ni ilavo, a vakacacani Oniasi ni a kaya ni o Oniasi ga a bukani Eliotoro, ni o koya ga na vu dina ni leqa.
2A doudou me beitaka ni a veretaka na matanitu o koya a vakailavotaka na koro, taqomaki ira na kainona, dau qacoya na lawa.
3Ni sa toso nona cati Oniasi me yacova ni sa laba tiko e dua na mata nei Saimoni,
4sa kila o Oniasi ni sa tarabi na veicati qo, sa kuria tale tiko ga na lomaca nei Saimoni o Apolonio, luve i Menesiceo, na kovana kei Koelesiria kei Fonisia.
5Sa mani cabe i valelevu, sega ni beitaki ira nona kaivata, e nanuma ga nodra tiko vinaka yadudua kei na tiko vinaka raraba.
6E kila ni veitokoni ga ni tui, e na maravu tale kina na vanua, qai muduka o Saimoni nona vosa vakalialia.
Kauta mai na itovo vaKirisi o Jesoni7 1M 1.10 Ni sa mate o Seleuko, sosomitaki koya e na itutu vakatui o Adioko e vakatokai o Epifane, a qai rawata vakailawaki na itutu ni betelevu o Jesoni, na taci i Oniasi.
8Nona veivosaki kei na tui, a yalataka e 360 na taledi na siliva, kei na 80 tale mai na dua tale na vanua.
9A yalataka tale e 150 me vakadonui me tauyavutaka e dua na valeniqito kei na kena ilala cauravou, me na volai ira tale ga na kai Jerusalemi mera kai Adioki.
10Ni sa vakadonuya na tui, taura na nona itutu vou o Jesoni, sa qai vagolei ira na kainona mera muria na ivakarau vaKirisi.
111M 8.17A bokoca nodra galala na Jiu a soli vei ira e na kerekere nei Jone, na tama i Iupolemo (o Iupolemo qo e qai lako e muri i Roma me bukia na veiwekani kei na tovata); a basuraka na ivakarau dodonu ni bula, vakacuruma na ivakarau vovou e veicoqacoqa kei na lawa.
12A tauyavutaka sara na valeniqito e ruku ni koronivalu, sa qai tukuna vei ira na sausauvou mera vakaisala ni qito vaKirisi.
13Sa qai sivia ga na itovo vaKirisi e na vuku ni itovo ca levu nei Jesoni, ni tawalotu, yawa sara mai na betelevu dina,
14ra sa weletaka kina na bete nodra veiqaravi e na yaletare. Ni sa kacivaki ga na tebetaki veleti, sa beci na loqi tabu, era sega ni vakacabo isoro, ra vakusakusa ga mera vakaitavi e na soqo cala vakalawa e na lomanibai ni veibo.
15Era cata na vakarokoroko era dau divi kina nodra qase, era sa vakaliuca vakalevu ga na veika era rokova na kai Kirisi.
16Qo na vu ni nodra kuitataki. Era a dau qoroya nodra itovo na kai Kirisi ra via vakamurimuria, ia qo era sa veimecaki tale, o ira na kai Kirisi era sa kuitataki ira sara vakaca.
17E sega ni ka mamada na beca na lawa ni Kalou, me vaka e na qai matata vakamalua.
Via lewai Jerusalemi o Siria18Ni vakayacori tiko na qito vakayabaki va mai Taia e mata ni tui,
19tamata lolovira o Jesoni a tala e so na mata kai Adioki ni Jerusalemi mera kauta e 300 na ilavo siliva me isoro vei Hekulisi. Era mani lewa na talai mera kua ni solia me baleta na isoro, ni sega ni ganita, mera vakayagataka ga e na dua tale na inaki.
20Na ilavo gona a nakiti me ka ni isoro vei Hekulisi, era veisautaka na talai me ta kina na manua e so.
21Nona a talai kina o Apolonio luve i Menesiceo i Ijipita me tiko e na veibuli vakatui vei Filometa, sa qai kila kina o Adioko ni sa meca ni nona matanitu o Filometa, sa mani qarauni koya vinaka. Nona yaco gona i Jopa, sa vakadodonu i Jerusalemi.
22A kidavaki koya vakaturaga o Jesoni kei na koro taucoko e na vakawaqa vuru kei na kaikaila. Sa qai tayabe sara o Adioko kei na nona sotia i Fonisia.
Sa betelevu o Menelao23Oti yabaki tolu, sa talai Menelao, na taci i Saimoni, o Jesoni me kauta na ilavo vua na tui, me kila tale ga na nona lewa e na ka bibi e so.
24Ia ni sa tu e mata ni tui, a marimari koya e na nona sau, sa mani nona kina na itutu vakabetelevu, ni a sivita na soli i Jesoni e na 300 na taledi siliva.
25Ni sa rogoca na itatau ni tui, sa lesu tale, dina ni sega vua na kila vakabetelevu, na yalokatakata ga ni turaga saurara, kei na cudru ni manumanu kila daukata.
26Sa mani suguti o Jesoni me vaka na nona a suguti tuakana dina, cemuri tani i na vanua i Amoni.
27A taura na itutu o Menelao, ia a sega ni dau sauma na ilavo a yalataka vua na tui.
28Ni cikeva tiko ga na ilavo o Sositarato na kavetani ni koronivalu, me vaka nona itavi, a mani kacivi rau kina na tui.
29O Menelao sa mani lesi Lisimako na tacina me betelevu vakatawa; o Sositarato a lesi Karatesi me vunivola vakatawa ni nodra mataivalu na kai Saipurusi.
Labati o Oniasi30Ni sa vaka tu ya, a donuya na nodra yavavala na kai Tarisu kei Malo, ni sa soli vakailoloma na nodra koro vei Adiokisi, na isologa ni tui.
31A mani vakusakusa yani na tui me walia na leqa, lesi Adroniko tu mai, e dua na turaga levu, me kena isosomi.
32Ia o Menelao a nanuma ni gauna vinaka qo, mani butakoca e so na bilo koula ni valenisoro, solia vei Adroniko; na bilo tale e so sa volitaka oti i Taia kei na veikoro volekata.
33Ni sa kila o Oniasi na veika qo, sa mani tukuni rau, ni sa lai tu rawa mai na idrodro e Dafene volekati Adioki.
34Tani 9.26Sa qai kauti Adroniko vakatikitiki o Menelao, vakauqeti koya me vakamatei Oniasi. A lako o Adroniko vei Oniasi, qai lawakitaki koya e na nona bubului kei na solia na ligana imatau, cikevi Oniasi, dina ni lomalomarua, me curu tani mai na idrodro; ni sa curu mai tuba, a vakamatei koya sara, sega ni kauaitaka na dodonu.
Totogitaki o Adroniko35Era lolosi, ra rarawataka gona kina na yavusa e so, sega wale ga na Jiu, nona labati vakatawadodonu.
36Ni sa lesu mai na yasayasa vakaSisilia na tui, era vakaraitaka vua na lomadra na Jiu ni koro levu me baleta na laba vakaloloma. Era cata tale ga na ivakarau torosobu qo na kai Kirisi.
37Sa mani lolosi vakalevu o Adioko, tuburi koya na loloma, tagicaki koya e na nona yalomalua kei na itovo vinaka;
38e na levu ni nona cudru, a luvata vei Adroniko na kote lokaloka, luvaraka nona isulu, tuiraki koya wavoki e na veiyasa ni koro me yacova na vanua a vakayacora kina na ivakarau vakaisi vei Oniasi, sa qai vakamatea kina na daulaba qo. Qo na kuita ni Turaga me vaka e rauti koya.
Vakamatei o Lisimako39Ni sa rogo na itukutuku ni nona dau beca na valenisoro o Lisimako e na veitokoni nei Menelao, era mani sosovi koya na lewenikoro mera buturaki koya, ni sa levu na bilo koula sa butakoci.
40Nira sa katakata mai na lewenikoro, a qai vakaiyaragitaki ira o Lisimako e 3,000 na sotia, vakaroti ira vakatawadodonu mera valuti ira e na veiliutaki i Aurano, e dua sa levu nona yabaki, levu vata nona lialia.
41Nira sa kidava na Jiu na kaba i Lisimako, e so era tomi vatu, so na tolonikau, so era luku dravusa, qai bololaki ira kina.
42E levu era mavoa, e so era mate, kena vo era vaqara nodra bula; na daubutako e valenisoro era vakamatea e yasa ni vale ni yau.
Veilewaitaki o Menelao43A beitaki o Menelao e na ka qo.
44E na nona yaco i Taia na tui, e lewe tolu na ilesilesi ni seneti eratou sa tukuna vua na ka e beitaki kina.
45Ia ni sa kila o Menelao ni sa druka, sa yalataka vei Tolemi na luve i Dorimene e dua na ilavo levu me rawata kina na yalo ni tui.
46A mani kauta vakatikitiki na tui i na varada o Tolemi me vaka beka erau lai vakacagicagi, qai veisautaka na lomana.
47Sa mani sereki Menelao, na vu ni ca kece, mai na ka e beitaki kina, qai lewa meratou vakamatei na tamata vakaloloma, keratou a beitaki mada ga vei ira na kai Sicia, keratou a talaci.
48Eratou mani totogitaki sara vakatawadodonu o iratou na tutaka na koro levu, koro lalai kei na bilo tabu.
49O ira sara mada ga na kai Taia era vakaraitaka na nodra cata na cala ya e na nodra qarava me lagilagi na nodratou bulu.
50Ia a dei tiko ga o Menelao e nona itutu baleta nodra yalokocokoco na veiliutaki, sa toro cake ga na nona ca, sa kenadau na bukia na kedra vere na kainona.
Who We AreWhat We EelieveWhat We Do
2025 by iamachristian.org,Inc All rights reserved.
