1Era sa qai lako cake vei Iliesa na bete levu, kei Josua na luve i Nuni, kei ira talega na i liuliu ni veivuvale ena mataqali kece i Isireli, o ira na i liuliu ni veivuvale ena mataqali i Livai.
2Era sa vosa vei rau mai Sailo ena vanua o Kenani, ka tukuna, “E a vakarota o Jiova ena gusu i Mosese me soli vei keimami eso na koro me keimami tiko kina kei na vanua veico e volita me ra maroroi kina na neimami manumanu yava i va.” me vaka a vakarota o Jiova ena gusu i Mosese.
9Oqo na yacadra na veikoro mai na nodra vanua na mataqali i Juta, kei na mataqali i Simione, ka soli me nodra,
10na kawa i Eroni, era lewe ni veivuvale i Koaca, ka kawa mai vei Livai. E a votai e liu na nodra i votavota.
11E a soli vei ira na koro levu i Kiriarapa o Arapa na tama i Anaki, ka vakatokai o Epironi edaidai, ka toka ena vanua veidelana e Juta, a soli vata kei na vanua veico ka wavolita.
12Ia, na kena vanua kei na kena veikoro lalai sa soli oti vei Kelevi na luve i Jifune me nona i votavota.
13Me i kuri kei Epironi e dua vei ira na koro ni drodro, sa votai me nodra na kawa i Eroni na veikoro lelevu kei na kedra vanua veico kei Lipina,
14Jatiri, Esitimoa,
15Oloni, Tipiri,
16Eini, Juta, kei Peci Semesi. Sa ciwa na koro lelevu mai na mataqali i Juta kei na mataqali i Simione.
17E a soli vei ira mai na nodra vanua na mataqali i Penijamini e va na koro lelevu: o Kipioni, Kipa,
18Anacoci, kei Alimoni, vata kei na vanua veico e dui wavoliti ira.
19Sa tini katolu taucoko na koro lelevu, vata kei na kedra dui vanua veico, sa soli vei ira na bete, na kawa i Eroni.
20O ira na vo ni veivuvale i Livai ena kawa i Koaca, sa soli vei ira eso na koro ena nodra vanua na mataqali i Ifereimi.
21A sa soli vei ira e va na koro: o Sikemi e dua vei ira na koro ni drodro, ka toka ena vanua veidelana e Ifereimi, vata kei na kena vanua veico; kei Keseri,
22Kipiseimi, kei Peci Oroni, vata kei na vanua veico e dui wavoliti ira.
23E a soli vei ira mai na mataqali i Tani e va na koro: o Ilitike, Kipiconi, vata kei na vanua veico e wavolita.
24O Eijaloni kei Kacarimoni kei na vanua veico e dui wavolita.
25Mai vei ira na veimama ni mataqali i Manasa ena tai ra ni Joritani, e rua na koro: Tenaki kei Kacarimoni vata kei vanua veico a wavoliti rau.
26E tini taucoko na koro kei na kedra veivanua veico sa soli me nodra na veivuvale na luve i Koaca.
27A sa dua tale na kedra i wase na Livai, o ira na luve i Kerisoni. E a soli vei ira e rua na koro mai na nodra vanua na veimama ni mataqali i Manasa ena tai tokalau ni Joritani: o Kolani e Pasani e dua vei ira na koro ni drodro, kei Pesitira, vata kei na vanua veico, sa wavoliti rau.
28Era a taura mai vei ira na mataqali i Isikari e va na koro: o Kisioni, Tapiraci,
29Jarimoce, kei Enikanimi, vata kei na vanua veico a dui wavoliti iratou.
30A sa votai vei ira mai na mataqali i Aseri, e va na koro: o Misali, Apitoni,
31Elikaci kei Riopi, vata kei na vanua veico a dui wavoliti iratou.
32Mai na nodra vanua na mataqali i Navitalai, era a taura mai kina e tolu na koro: o Ketesi e Kalili e dua vei ira na koro ni drodro, o Emoci-tori kei Karitani, vata kei na vanua veico e wavoliti iratou.
33Era sa taura o ira kece na veimatavuvale i Kerisoni e tini katolu na koro, vata kei na kedra dui vanua veico.
34Vei ira na vo ni Livai, o ya o ira na luve i Merari, sa soli vei ira na mataqali i Sevuloni e va na koro: o Jokiniame, Karita,
35Timina, kei Neelai, vata kei na vanua veico a dui wavoliti iratou.
36A sa soli vei ira mai na mataqali i Rupeni e va na koro: o Peseri, Jeasa,
37Kitemoci, kei Mefeaci, vata kei na kedra dui vanua veico.
38E a soli vei ira mai na mataqali i Kata e va na koro: o Remoci e Kiliati, e dua vei ira na koro i drodro, Meeneimi,
39Esiponi, kei Jaseri, vata kei na vanua veico a dui wavoliti iratou.
40A sa rauta ni tinikarua taucoko na koro sa votai vei ira na luve i Merari, oqo o ira na vo ni vuvale ni mataqali i Livai.
41Na nodra koro na Livai ena loma ni nodra vanua na Isireli, e vasagavulu kawalu taucoko, vata kei na vanua veico dui wavoliti ira.
42Na veikoro yadua oqo a dui tu na kena vanua veico.
Taukena na Vanua Yalataki o Isireli43A sa solia vakaoqo o Jiova na vanua taucoko vei ira na Isireli me vaka sa yalataka vei ira na nodra qase ni na solia me nodra. Ia ni ra sa taukena, era a lako yani ka vakaitikotiko kina.
44Sa qai solia vei ira o Jiova na sautu ena vanua taucoko me vaka sara ga a yalataka vei ira na nodra qase. A sa sega sara ni dua vei ira na nodra meca me a kaukauwa cake me vorati ira, baleta ni a solia vei ira na Isireli o Jiova me ra kaukauwa vei ira kece na nodra meca.
45A sa vakayacora kece sara o Jiova na veika vinaka kece sa yalataka vei ira na Isireli.
Who We AreWhat We EelieveWhat We Do
2025 by iamachristian.org,Inc All rights reserved.
