1Kemuni Jiova, ni vakabulai keimami!
Sa sega tale ni vo e dua na tamata dodonu,
Ka sa sega tale ni kune rawa na tamata yalodina eso.
2Era sa lasu na tamata kecega vei ira na dui wekadra.
Ka veivakaisini vakai ira ena vosa veicavilaki.
3Kemuni Jiova, ni vagaluya na yame dauveicavilaki,
Ka sogota na gusu dokadoka era sa kaya,
4“Keimami na tukuna ga na ka keimami via cavuta,
Ena sega ni dua me na tarovi keimami.
O cei me rawa ni tukuna vei keimami na ka me keimami kaya?”
5A sa kaya o Jiova,
“Au sa na lako yani
Baleta ni ra sa vakararawataki na dravudravua,
Era sa tagi ena vutugu o ira era sa vakararawataki.
Au na solia vei ira na galala era gadreva tu!”
6Na veivosa ni yalayala i Jiova sa yaga me vakadinati.
Era sa ka dina me vaka na siliva,
Era sa vakasavasavataki vakavitu ena kena lovo.
7Oi kemuni Jiova, o ni na maroroi keimami;
O ni na taqomaki keimami ena i tabatamata oqo
ka sega ni mudu.
8Era sa robota na tamata ca na veivanua taucoko
Ka ra sa vakalevulevuya na ca na tamata kecega.
Masu ni Veivagalalataki mai na MecaVua na i liuliu ni sere. A Same i Tevita.
Who We AreWhat We EelieveWhat We Do
2025 by iamachristian.org,Inc All rights reserved.
