1E dau marau na yaloqu e na tolu na ka, eratou rairai totoka e mata ni Turaga kei ira na tamata:
na nodratou duavata na veitacini, na nodra veilomani na veiwekani, kei na nodrau veiyaloni na veiwatini.
2E dau cata na yaloqu e tolu na mataqali tamata, au dau rarawataka na nodra bula:
na daukerekere viavialevu, na tamata vutuniyau lasulasu, kei na qase lialia dau veidauci.
3Keo sega ni vuli nio se cauravou, o na qai vuku vakacava nio sa qase?
4E dua dina na ka talei na nodra lewa matau na ulu sikoa, kei na nodra dauvakasala vinaka na qase.
5E dua na ka rakorako na nodra yalomatua na qase, kei na nodra kilaka nodra ivakasala na tamata dodonu!
6Na rabailevu ni nodra kila e nodra isala na qase, sa qai nodra ibole na doka na Turaga.
7E ciwa na vakasama e marau kina na yaloqu, kena ikatini au na sereka qo e yamequ:
na tamata e marautaki ira na luvena; o koya e bula me raica na nodra bale na kena meca;
8o koya e kalougata ni watina na marama yalodina; o rau na veiwatini veiyaloni; o koya e sega ni vosa lutu; o koya e sega ni se qarava e dua e lolovira vua;
9o koya e kalougata ni dua nona itau vinaka; o koya e taleitaki ni vosa;
10cecere dina o koya e tu vua na yalomatua! Ia e sega ni dua e levu cake vei koya e doka na Turaga.
11Na doka na Turaga e uasivita na veika kece; e na vakatautauvatataki mada kei cei o koya e kabita matua?
12 Na doka na Turaga e itekitekivu ni noda lomani koya, na vakabauta e itekitekivu ni noda kabiti koya.
Yalewa13E dua ga na mavoa, me kua ga ni mavoa ni yalo! E dua ga na ivakarau ca, me kua ga ni ivakarau ca ni yalewa vakawati!
14E dua ga na ravu, me kua ga ni nona ravu na lomaca! E dua ga na veisausaumi, me kua ga ni veisausaumi ni meca!
15E sega ni dua na gaga me sivita na gaga ni bati ni gata; e sega ni dua na cudru e sivita na cudru ni yalewa.
16Meu tiko vata kei na laione kei na drakoni, kua ga na yalewa ca.
17Na ca ni yalewa vakawati e veisautaka na kena irairai me vaka na bea cudrucudru.
18O watina e kana vei ira na wekana, e vakatabuicegu tu e na rarawa.
19Na yaloca cava ga e lailai ni laurai vata na yaloca ni yalewa vakawati; me nona na kedra itotogi na dauvakacaca!
20Na nona cabeta na qase na baba nuku - e vaya nona bula na tagane galugalu ke watina na yalewa vosavosa balavu.
21Kua ni tacori e na irairai totoka ni yalewa, kua ni mateca na yalewa e na vuku ni nona iyau.
22E vu ni cudru, viavialevu kei na madua nona rawa ilavo o yalewa me bula kina o tagane.
23Na yalolailai, matararawa kei na mosi ni yalo e vakavuna na yalewa vakawati lomaca.
E gogo, yalolailai na tagane e sega ni marautaka na watina.
24Na yalewa na vu ni ivalavalaca; eda na mate kece baleti koya.
25Kua ni laiva na wai me turu mai na dramu, kua ni laiva vakina me vosa doudou na yalewa vakawati lomaca.
26Kevaka e sega ni cakava na ka o tukuna, biuti koya.
Who We AreWhat We EelieveWhat We Do
2025 by iamachristian.org,Inc All rights reserved.
