Vunau ni Soro 16 - Vakavakadewa Vou kei na iVola tale eso（FNVDC12）

Na Siga ni Veisorovaki

1Sa qai vosa vei Mosese o Jiova ni rau sa mate oti na luve i Eroni ena nodrau cabora na bukawaqa tawa savasava ena mata i Jiova.

2Sa tukuna vei Mosese o Jiova:

“Mo kaya mada vei Eroni na tuakamu me qai dau curu ga ki na Tikina Tabu Sara ena loma ni i lati ena kena gauna dodonu, baleta ni'u na rairai mai ena o ena dela ni i sogo ni Kato ni Veiyalayalati. Kevaka ena talaidredre kina, ena mate ga kina o koya.

4Sa qai solia o Jiova na i vakaro oqo. Ni bera ni curu o Eroni ki na loma ni Tikina Tabu Sara, e dodonu me sisili taumada ka daramaka na nona i sulu tabu vakabete: na kote lineni tabu kei na tarausese lineni lekaleka, na i oro lineni e tolona, kei na i sulu lineni me vau e uluna me vaka na i sala.

5O ira na lewenivanua o Isireli me ra qai solia vei Eroni e rua na me tagane me i soro ni valavala ca, kei na dua na sipi tagane me i soro kama.

6Ia me vakacabora o Eroni na bulumakau me nona i soro ni valavala ca, ka sorovaki koya kei ira talega na nona vuvale.

7Ni oti o ya, me qai kauta o koya na me ruarua, ka vakotora ena mata i Jiova ena katuba ni Vale ni Veitavaki.

8Me qai vakawirimadigi o Eroni ena vukudrau na me, e dua me nei Jiova, ka dua me colata na cala.

9Me qai kauta o Eroni na me ka dusia na madigi me sa nei Jiova ka cabora me i soro ni valavala ca.

10Ia na me ka dusia na madigi me colata na cala me na vakacabori ena mata i Jiova ka vakatalai yani ki na vanua lala, me kauta tani kina na nodra i valavala ca kecega na tamata.

11Me qai vakacabora o Eroni na bulumakau tagane me nona i soro ni valavala ca, ka sorovaki koya kei ira na nona matavuvale, ka vakamatea na bulumakau me i soro ni valavala ca ena vukuna.

12Me qai kauta ki loma ni lati o Eroni na miqa sa sinai ena qilaiso waqa mai na i cabocabonisoro sa tu e mata i Jiova, kei na rua na i luku na ka boi vinaka sa tuki vakamatailalai.

13Me biuta na ka boi vinaka ena bukawaqa me vakamai ena mata i Jiova, ka me vakaruguta na kubou ni ka boi vinaka na i sogo ni Kato ni Veiyalayalati me kakua kina ni raica ka mate.

14Me qai kauta eso na dra ni bulumakau o Eroni ka kureitaka ena nona i qaqalo ena mata ni i sogo ni kato, ka qai kureitaka vakavitu na dra ena nona i qaqalo ena mata ni Kato ni Veiyalayalati.

15Me qai vakamatea o koya na me, ka i soro ni nodra i valavala ca ni tamata, ka kauta na kena dra ki na loma ni Tikina Tabu Sara, ka kureitaka ena i sogo ka vakakina ena mata ni Kato ni Veiyalayalati, me vaka na kena sa vakayacora ki na dra ni bulumakau.

21Me qai tabaka na ulu ni me bula o Eroni ena ligana ruarua ka vakatusa kina na nodra caka cala kei na talaidredre kecega na Isireli. Ni caka na vakatutusa oqo, sa vakadewataki kina na i valavala ca kece sara ki na ulu ni me. Me qai vakatalai tani yani na me oqo ki na vanua lala mai vua e dua sa lesi me vakayacora vakakina. me savata na nona i sulu o koya, ka sisili ni bera ni qai curu lesu tale mai ki na loma ni i tikotiko.

27Na bulumakau tagane kei na me ka rau cabori me i soro ni valavala ca, ka sa kau na kedrau dra ki na Tikina Tabu Sara me kauta laivi na i valavala ca, me rau qai colati yani ki na taudaku ni i tikotiko me vakamai. Me vakamai kece sara ena buka na kulidrau, lewedrau, kei na gacagaca e loma ni ketedrau.Ipe 13.11

28Ia o koya sa vakamai rau me savata taumada na nona i sulu kei na yagona ena wai ni bera ni qai lesu tale ki na i tikotiko.

Kena Vakarokorokotaki na Siga ni Veisorovaki

29Oqo na i lesilesi vei kemuni ka tawa mudu: Ena i kavitu ni vula, ena katini ni siga, mo ni lolo ka kakua ni cakava kina e dua na cakacaka, oi kemuni kei ira na vulagi era tiko maliwai kemuni.Vsoro 23.26-32; Tiko 29.7-11

30Ena siga oqo me vakayacori kina na cakacaka ni veisorovaki ena vukumuni, mo ni vakasavasavataki kina mai na nomuni valavala ca kecega ena mata i Jiova.

31Na siga oqo e dodonu me siga bibi ka vakatabui, e siga ni lolo kei na vakatabui ni cakacaka. Na i lesilesi kece oqo me vakamuri ena veigauna kece sara.

32Na Bete Levu, o koya sa lumuti ka buli me sosomitaki tamana, me na vakayacora na cakacaka ni veisorovaki. Me daramaka na nona i sulu lineni tabu vakabete

33ka qarava na cakacaka vakabete ni kena sorovaki ka vakasavasavataki na Tikina Tabu Sara, kei na Vale ni Veitavaki, kei na i cabocabonisoro, kei ira taucoko sara na tamata ena loma ni i tikotiko.

34Oqo sai lesilesi vei kemudou ka tawa mudu. Na cakacaka bibi oqo ni veisorovaki me vakayacori vakadua ena loma ni dua na yabaki me ra vakasavasavataki kina na Isireli mai na nodra i valavala ca kecega.

Sa cakava vakakina o Mosese me vaka sa vakarota o Jiova.