2 Samuela 12 - Vakavakadewa Vou kei na iVola tale eso（FNVDC12）

Tukutuku i Necani kei na Veivutuni i Tevita

1A talai Necani vei Tevita o Jiova. A lako vei Tevita o Necani, ka kaya vua, “Sa tiko ena dua na koro e lewe rua na tamata, e dua e vutuniyau, ka dua e dravudravua. baleta ni sa lomani koya o Jiova.

Sa Taura Vakaukauwa na Koro o Rapa o Tevita(1Vei 20.1-3)

26A sa tomana voli ga o Joape na nona valuti Rapa, ka nodra koro levu na luve i Amoni, ka sa voleka sara ni vesuka vakaukauwa na koro turaga o ya.

27A sa tala eso na tamata vei Tevita o Joape, ka kaya, “Au sa valuta na koro o Rapa, ka taura vakaukauwa na nodra i vurevure ni wai.

28Ia mo ni vakasoqoni ira vata na tamata sa vo ka valuta na koro levu oqo, ka mo ni taura vakaukauwa. Au sega ni vinakata me okati ena yacaqu na kena vakadrukai na koro oqo.”

29A sa qai vakasoqoni ira vata na tamata kece o Tevita, ka lako yani ki Rapa me valuta, ka sa rawata na qaqa.

30Mai na uluna na kalou matakau ni Amoni o Moloke, a sa luvata o Tevita na nona i sala vakaturaga koula ka kena bibi e 35 kilokaramu ka sa koto kina e dua na vatu talei. A sa taura na vatu talei o ya o Tevita ka biuta ki na nona i sala vakatui. A sa kauta talega o Tevita e dua na wase levu ni tokinivalu mai na koro levu o ya.

31A kauti ira yani na tamata era a tiko kina o koya, ka vakacakacakataki ira ena boroboro, na kelikeli ena piki, ena matau kaukamea, ka lesi ira ki na cakacaka ni buli biriki; a cakava vakakina oqo ki na nodra veikoro kece na luve i Amoni. A lesu tale o Tevita ki Jerusalemi kei ira kecega na tamata.