1 Sr 16.3 E vinaka cake na tamata yalododonu e sega na luvena. Eda yacova na bula tawamudu e na kena nanumi na noda yalododonu, ni kilai mai lagi, kilai e vuravura.
2Ni tiko na yalododonu, eda vakamurimuria na tamata; ni yali, eda dau liaca; e qaqa tu ga e na veitabagauna, e qoqota kece na icovi dredre.
3Ia o ira na kawa levu ni tabulotu, era na tawayaga tu, e na sega ni dua na nodra luvenisala e na ti na wakadra me dei.
4Ke mani tubu vakalailai mada ga na tabana, e na yavalati e na cagi, ni sega ni dei; ke kaukaua na cagi, e na cavuivuvu.
5Era na raramusumusu na tabana ni se bera nira matua; e na maumau na vuana, ni sega ni bau dreu me laukana, sega wale na betena.
6Na luve ni veibutakoci e ivakadinadina ni cala ni nona itubutubu e na veivaqaqai ni Kalou.
7Ia na tamata yalododonu, se mate dole mada ga, e na vakacegu.
8Na rokovi ni qase e sega ni vakatau e na yabaki
9se na ulusikoa, na yalomatua ga kei na bula savasava.
Na ivakarau i Inoke10 Vteki 5.21-24; Sr 44.16; Ipe 11.5 A tikotiko kina e dua na tamata erau dau veilomani kei na Kalou; nona maliwai ira tu na valavalaca qai kau cake kina.
11Sa kau tani de qai vukica na yalona na ca, se rawai na yalona e na ilawaki.
12Na kamikamica ni ca e tabogo kina na vinaka, na gagadre ca e vikoca na yalosavasava.
13Ni lekaleka wale nona rawata na bula maucokona, sa wili me dede nona bula,
14ni a donu na yalona vua na Kalou, mani toki koya vakatotolo mai na maliwa ni ca.
15Ia era raica na tamata, era sega ga ni kila, se tugana e lomadra ni Kalou e dau lomani ira nona digitaki, e dau yadravi ira tu nona yalododonu.
iSamu ni dawa ni tamata valavalaca16O yalododonu sa mate, e na vakalewai tamata valavalaca se bula tiko; o cauravou sa cava koso nona bula, e na vakalewai qase valavalaca bula dede;
17ni na raica o valavalaca na itinitini ni tamata yalomatua, e na sega ni kila na inaki ni Kalou me baleti koya, se cava sa maroroi koya kina.
18E na raica, e na sevaki koya; ia na Turaga e na dredrevaki valavalaca. Oti qo, era na yaco na valavalaca mera yagonimate wale, era na beci tawamudu vei ira na mate,
19ni na tavulaki ira i qele mera galu vakadua, e na cavuivuvutaki ira; era na malai vakadua, era na kune rarawa, e na sega na kedra o.
20Era na domobula ni mai lewai nodra ivalavalaca; e na tevuraki e matadra nodra itovo ca.
Who We AreWhat We EelieveWhat We Do
2025 by iamachristian.org,Inc All rights reserved.
