1A sa kaya vei Mosese o Jiova, “Mo taya e rua na vatu raraba me rau vaka na kena e liu, ka'u na qai vola kina na veivosa sa volai ena vatu e rua e liu o a voroka.
2Mo cavutu ena mataka lailai ni mataka, ka cabe cake mai ki na Ulunivanua o Saineai, ka mai tavaki au ena dela ni ulunivanua.
3Me kakua sara ni dua me lako cake vata mai kei iko; me kakua ni dua me laurai ena dua na tiki ni ulunivanua; ka me kakua talega ni dua na sipi se bulumakau me kana voli ena mata ni ulunivanua.”
4Sa qai taya o Mosese e rua na vatu raraba me vaka na vatu raraba e rua e liu, ka mai cabe cake yani ki na Ulunivanua o Saineai ena mataka lailai ka tarava, me vaka sa vakarota o Jiova, ka kauta cake na vatu raraba e rua.
5A sa lako sobu mai o Jiova ena dua na o, ka rau tiko vata kei koya mai kea, ka sa kacivaka na yacana, “O Jiova.”
6A sa lako siviti Mosese o Jiova ka kacivaka, “Sai au oqo, o Jiova, na Kalou sa sinai ena loloma kei na yalovinaka, na Kalou sa berabera ni cudru, ka sa tawa yalani na noqu loloma kei na yalodina.
19Na ulumatua tagane kece era sa noqu, na ulumatua tagane kece sara ni nomu bulumakau kei na nomu sipi.
“Me kakua sara ni dua me lako liga lala mai vei au.
21“E ono na siga mo cakacaka kina, ia ena i kavitu ni siga mo kakua ni cakava kina e dua na cakacaka, veitalia ga kevaka e gauna ni siviyara se gauna ni tatamusuki, mo vakacegu ga.
22“Me qaravi na Solevu ni Tatamusuki ena gauna o ni tamusuka kina na i sevu ni witi, ka qarava na Solevu ni Kumukumuni ena mua ni yabaki ni kumuni na vuata.
23O ira kece na tagane e dodonu me ra mai sokalou vei au, o Jiova na Kalou i Isireli, ka me vakatolu ena loma ni dua na yabaki.
24Ena gauna au sa vakasavi ira tani kina na veimatanitu e matamu ka tosoya na nomu i yalayala, ena sega ni dua ena ravuta na nomu vanua ena loma ni tolu na gauna ni sokalou oqo ena veiyabaki.
25“Mo kakua ni vakacabora na madrai sa vakatubutaki ni sa cabori vei au na manumanu. Mo kakua talega ni maroroya me yacova na mataka lailai na manumanu sa vakamatei me baleta na Solevu ni Lakosivia.
26Mo kauta mai na i sevu ni sila vinaka duadua ki na vale i Jiova.
Mo kakua ni vakasaqa na luve ni sipi ena wai ni sucu i tinana.”
27A sa qai kaya vei Mosese o Jiova, “Mo vola na veivosa oqo; baleta ni'u sa vakayacora na veiyalayalati kei iko kei Isireli ena veivosa oqo.
28A tiko ga mai kea o Jiova kei Mosese me vasagavulu na siga ka vasagavulu na bogi ka sega ni kania se gunuva e dua na ka. A sa vola ena vatu raraba na vosa ni veiyalayalati, oqori na i Vunau e Tini.
Na i Serau ena Mata i Mosese29A sa siro sobu mai o Mosese mai na Ulunivanua o Saineai, ka sa taura tiko mai e rua na vatu raraba ni veiyalayalati, ia sa sega ni kila ni sa serau tu na matana baleta ni rau a veivosaki vata kei Jiova.2Kori 3.7-16
30A sa raici Mosese o Eroni kei ira kecega na Isireli ni sa serau tu na matana, ka ra sa rere ni lako voleka vua.
31Ia a kacivi ira o Mosese, ka lesu vua o Eroni kei ira na nodra i liuliu na Isireli, ka sa veivosaki kei ira o Mosese.
32Ni sa oti o ya, era a toro voleka kece mai na Isireli ka solia vei ira o Mosese na lawa kece sara sa solia vua o Jiova mai na Ulunivanua o Saineai.
33Ni sa vosa oti vei ira o Mosese, a sa qai ubia na matana ena dua na i ubi.
34Ena veigauna kece sa curu kina ki na vale tabu i Jiova o Mosese me rau veivosaki kei Jiova, ena luvata o koya na i ubi ni matana me yacova ni sa lesu mai ki tuba. Ia ni lako mai ki tuba, sa tukuna vei ira na Isireli na ka kece sara sa vakaroti mai vua me tukuna,
35ka rawa vei ira na Isireli me ra raica na serau ni matana. Sa qai dau ubia tale na matana me yacova na gauna ka tarava ni veivosaki vata kei Jiova.
Who We AreWhat We EelieveWhat We Do
2025 by iamachristian.org,Inc All rights reserved.
