1Kua ni vinakata me levu nomu gone tawayaga, se taleitaka nodra tabulotu na luvemu.
2Kera lewe levu, kua ni taleitaki ira, vakavo kera doka na Turaga.
3Kua ni wilika nodra bula dede, kua tale ga ni nuitaka na kedra lewe levu,
ni vinaka cake e dua mai na dua na udolu; na mate sega ni vakaluveni e vinaka cake mai na vakasucumi ira na gone era tabulotu.
4E dua ga na tamata yalomatua e na tawa kina e dua na koro; e dua na yavusa basulawa e na lala ga kina.
5E levu na ka vaqo au sa raica; au sa rogoca e levu na ka e vakadomobula cake.
6Na cudru katakata ni Turaga e na vakama na matavalavalaca lailai; sa vakama oti na matanitu talaidredre.
7
16 Na nona loloma sa vakaraitaka i na veikabuli; sa vakarautaka mai na rarama kei na butobuto.
17Kua ni kaya, “Au na lai vunitaki yau vua na Turaga, o cei mai cake e na nanumi yau?
Au na sega ni liaci e na kedra maliwa na lewe levu; o cei o yau e na levu ni veikabuli?”
18Raica, e na sautaninini o lomalagi, na dela i lomalagi, na vanua titobu, kei na vuravura ni veisiko mai;
19na veiulunivanua tale ga kei na yavu ni vuravura ni irova mai.
20Ia e sega ni dua e nanuma qo. O cei e vakasamataka na nona ivakarau?
21Na cagi kaukaua e sega ni laurai; e tabogo vakina e levu na nona cakacaka.
22“O cei e na kacivaka na nona cakacaka dodonu? Se o cei e na waraka? Se yawa na veiyalayalati.”
23E vaqo na vakasama ni tamata e lala nona qavokavoka; na tamata bavulu e lialia nona vakasama.
Na vuku ni Kalou e na veikabuli24Rogoci yau na luvequ, mo vuli; rogoca vinaka noqu vosa.
25Au na veivakavulici vakamaqosa vakamatata.
26Na vuravura se tu mai na ivakatekivu; ni bulia na Turaga, sa lewa rawa na kena dui iwasewase.
27E a lewa na ituvatuva ni veika kece mera tudei e na veitabagauna;
era sega ni viakana se oca, era sega ni cegu e na nodra itavi.
28Era sega ni veisugusugu, sega vakadua ni beca na nona vosa.
29Ni buli vaqo, sa qai raica na vuravura na Turaga, vakatawana e na nona ka vinaka;
30era roboti vuravura na veikabula, era qai suka tale kina.
Who We AreWhat We EelieveWhat We Do
2025 by iamachristian.org,Inc All rights reserved.
