1Na tamata vucesa e vaka na vatu duka; e sega ni dua e via torova.
2Na tamata vucesa e vaka na ibinibini denimanumanu; e dua e tomika, e na kuretaka laivi sara mai ligana.
3E ka vakamadua vei tamana na gone itovo ca; na sucu ni goneyalewa e kalouca.
4Na goneyalewa yalomatua e na vakawati, ia o koya e itovo ca e vakararawataki tamana.
5Na goneyalewa e somisise, e vu ni nodrau madua o tamana kei watina, erau na sevaki koya ruarua.
6Na vunauci ira na gone e na gauna cala, e vaka na qiriqiri e na gauna ni lolosi, ia na veikuitataki kei na veivakadodonutaki erau dodonu e na gauna cava ga.
7E dua e vakavulica na lialia, e vakataki koya e via dregata vata na ikacakaca ni kuro, se via vakayadrata e dua e moce bi tu.
8Na vakamacala vua na lialia, e vaka na vakamacala vua e dua sa via moce tu; e na taroga cake ga mai ni sa tini, “Na cava ya?”
9 Na isolisoli era susugi e na ivakarau vinaka, era na taqomaka na irogorogo ni nodra itubutubu.
10 O ira na isolisoli e qaciqacia nodra ivakarau, era na vakaboicataka na irogorogo ni matavuvale.
11Tagicaka na mate, ni sega vua na rarama; tagicaka na lialia, ni sega vua na kilaka;
tagicaka ga vakalailai na mate, ni sa kunea na vakacegu; ia na bula ni lialia e ca cake mai na mate.
12
24E kilai taumada na buka e na cawa kei na kubou ni ivavi, e kilai taumada vakina na dave ni dra e na vosa veibeci viavialevu.
25Au na sega ni madua meu taqomaka na noqu itokani, au na sega ni vunitaki yau vua;
26ia keu mavoa baleti koya, o ira era rogoca era na qarauni koya.
Masu meu vukei e na vorati ni ivalavalaca27Isa! ke biu mada ga e gusuqu e dua na kena itataqomaki, me kabi e tebenigusuqu na drega ni dau lewa maqosa, meu kua kina ni lutu, de vakamatei yau na yamequ!
Who We AreWhat We EelieveWhat We Do
2025 by iamachristian.org,Inc All rights reserved.
