1A sa qase sara o Josua. Sa qai vosa vua o Jiova, ka tukuna, “O sa qase sara, ia e sa levu tu na vanua me rawai ka taukeni.
2Oqo na veivanua ka sa vo tu: Na nodra veivanua kece na kai Filisitia kei na nodra vanua kece na kai Kesuri,
3ka vakakina na nodra vanua na Avimi ena ceva. Na vanua kece me tekivu mai na uciwai o Siori, ena i yalayala kei Ijipita ka gole cake ki na vualiku ki na i yalayala kei Ekironi ka sa dau kilai tu me vanua vaka-Kenani; o ira talega na tui Filisitia ka vakaitikotiko mai Kasa, Esitoti, Esikeloni, Kaca kei Ekironi.
4Na nodra vanua kece na kai Kenani kei Meara ka qali vei ira na kai Sitoni, me yaco sara ki Afeki, ena nodra i yalayala ni vanua na Amoraiti,
5na nodra vanua na Kipali; o Lepanoni taucoko ki na tokalau me vakatekivu mai Peali-kata ena ceva ni ulunivanua o Erimoni me yaco sara ki na i curucuru ki Emaci.
6Oqo era wili kina na nodra vanua taucoko na kai Sitoni ka vakaitikotiko ena vanua veidelana ena maliwa ni ulunivanua o Lepanoni kei Masirifoci-meimi. Au na vakasavi ira tani ni ra sa toso tiko yani na Isireli. Mo wasea sara na vanua o ya vei Isireli me vaka au sa vakaroti iko kina.Vanua e Nodra na Mataqali Rupeni
15A sa solia o Mosese e dua na tiki ni vanua vei ira na nodra veivuvale na mataqali i Rupeni me ra taukena.
16Na i yalayala ni nodra vanua sa kovuti Aroeri ena i yalayala ni buca i Arinoni, na koro ena lomadonu ni buca o ya, kei na vanua cecere kece wavokiti Meteva,
17ka okati kina o Esiponi kei na veikoro kece ena vanua cecere: o Tiponi, o Pamoci-peali kei Peaci-pealimioni,
18o Jeasa kei Kitemoci, o Mefeaci,
19kei Kiriaceimi, o Sipima kei Sereci-aseari ena delana ka koto ena loma ni buca,
20o Pecipiori kei na baba ni Ulu i Pisika kei Peci-jisimoci,
21A sa wili kina na veikoro kecega ena vanua cecere, kei na matanitu taucoko nei Sioni na nodra tui na Amoraiti, ka veiliutaki mai Esiponi. A sa vakamalumalumutaki koya o Mosese, kei ira talega na turaga ni Mitiani, o Ivi kei Rekemi, o Suri, Uri kei Repa. Era a cicivaka na vanua o ya o iratou oqo, ena ruku ni veiliutaki i Sioni.
22A sa okati vata kei ira na tamata era a vakamatea na Isireli o Balami na daurairai na luve i Piori.
23Na nodra i yalayala ni vanua na Rupeni ena ra, na Joritani. Oqo na veikoro lelevu kei na veikoro lalai ka votai me nodra i votavota na veivuvale ena mataqali i Rupeni me nodra.
Vanua e Nodra na Mataqali Kata24A sa solia o Mosese vei ira na veivuvale ni mataqali i Kata e dua na i wase ni vanua me nodra.
25Na nodra vanua sa wili kina o Jaseri kei na koro kece e Kiliati, na veimama ni nodra vanua na Amoni me yaco sara ki Aroeri, ena tokalau kei Repa.
26A sa vakatekivu mai Esiponi na nodra vanua, ka yaco yani ki Ramaci Misipe kei Pitonimi, mai Meeneimi ki na i yalayala kei Tipiri.
27Na Buca o Joritani e okati kina o Peci Araimi, o Pecinimira, o Sukoci, kei Sifoni, ka ra i vovo ni matanitu i Sioni na tui Esiponi. Na i yalayala ni nodra vanua ena ra sai koya na Uciwai na Joritani me yaco sara ki na vualiku ni Drano o Kalili.
28Sai ira oqori na veikoro lelevu kei na veikoro lalai a soli vei ira na veivuvale ena mataqali i Kata me ra taukena.
Vanua e Nodra na Mataqali Manasa29A sa solia talega o Mosese e dua na tiki ni vanua vei ira na veivuvale ena veimama ni mataqali i Manasa me ra taukena.
30Na nodra vanua a tete yani vaka ki Meeneimi, ka kovuti kina na vanua kece o Pasani, na matanitu Oki na tui Pasani, ka vaka talega kina na onosagavulu na koro lalai nei Jairi e Pasani.
31A sa wili kina na veimama kei Kiliati, ka vakakina o Asitoreci kei Etirei na koro turaga ni matanitu i Oki mai Pasani. A sa soli na veivanua oqori ki na veivuvale ni dua na veimama ni kawa i Mekiri na luve i Manasa.
32Sa vakaoqo na nona a wasewasea na veivanua ena tokalau ni Joritani kei Jeriko o Mosese ena gauna sa tiko kina ena buca o Moapi.
33Ia e sa sega ni solia o Mosese e dua na vanua vei ira na mataqali i Livai me nodra. A sa tukuna ga vei ira ni sa nodra i votavota ga o Jiova na Kalou ni Isireli, me vaka na nona vosa ni yalayala vei ira.
Who We AreWhat We EelieveWhat We Do
2025 by iamachristian.org,Inc All rights reserved.
