1Me caka vei kemuni taudua ga Jiova na veivakalagilagi;
Me caka vei kemuni taudua ga ka me kakua ni caka vei keimami,
Ena vuku ni nomuni loloma tudei kei na nomuni yalodina.
2A cava me ra tarogi keimami kina na veimatanitu,
“Evei na nomuni Kalou?”
3Sa tiko mai lomalagi na neimami Kalou,
Ka cakava ga na ka e vinakata.
4Na nodra Kalou sa caka mai na siliva kei na koula
Ka cakava ga na liga ni tamata.
5Sa tu na gusudra, ia era sa sega ni vosa rawa,
Ka tu na matadra, ia era sa sega ni rai rawa.
6Sa tu na daligadra ia era sega ni rogoca rawa e dua na ka,
Ka tu na ucudra ia era sega ni boica rawa e dua na ka.
7Sa tu na ligadra ia era sega ni tara rawa e dua na ka,
Ka tu na yavadra ia era sega ni lako rawa,
Ka ra sega ni cakava rawa e dua na rorogo.
8O ira era buli ira ka vakararavi vei ira
Era sa vakataki ira ga na matakau era bulia!
9Kemuni na Isireli, ni vakadinati Jiova!
Sa vukei kemuni ka taqomaki kemuni o koya.
10Kemuni na bete ni Kalou ni vakadinati Jiova!
Sa vukei kemuni ka taqomaki kemuni o koya.
11Ni vakadinati Jiova oi kemuni kece o ni rerevaki koya.
Sa vukei kemuni ka taqomaki kemuni o koya.
12Sa nanumi keda o Jiova ka na vakalougatataki keda;
Ena vakalougatataki ira na Isireli o koya,
Kei ira kece na bete ni Kalou.
13Ena vakalougatataki ira kece era rerevaki koya o Jiova,
O ira era lelevu kei ira era lolovira.
14Ena solia vei kemuni o Jiova me so na luvemuni,
Vei kemuni kei ira na nomuni kawa.
15Me vakalougatataki kemuni o Jiova,
O koya sa bulia na lomalagi kei na vuravura.
16Sa nei Jiova taudua ga na lomalagi
Ia, sa solia na vuravura vei ira na tamata.
17Sa sega ni vakacaucautaki o Jiova mai vei ira era sa mate,
Se mai vua e dua sa lako sobu ki na nodra vanua era sa galu kina.
18Ia, oi keda eda sa bula, eda na vakavinavinaka ga vua,
Ena gauna oqo kei na veigauna kecega.
Ni vakacaucautaki Jiova!
Who We AreWhat We EelieveWhat We Do
2025 by iamachristian.org,Inc All rights reserved.
