Josua 5 - Vakavakadewa Vou kei na iVola tale eso（FNVDC12）

Na Veicilivi e Kilikali

1Era sa rogoca o ira kece na nodra tui na Amoraiti ena ra ni Joritani kei ira kece na nodra tui na kai Kenani ena baravi ni Wasa Meditereni ni sa vakadiva o Jiova na wai ni Joritani me yacova ni ra takoso taucoko na Isireli. Era a rere sara kina vakalevu, ka yali na nodra yalo dei ena vukudra na Isireli.

2Sa qai tukuna vei Josua o Jiova, “Mo cakava eso na i sele mai na vatu gagata, ka cilivi ira kina na Isireli.”

3A sa cakava o Josua na i sele vatu gagata ka cilivi ira kina na Isireli mai Kipeaci-araloci.

4Oqo na vu ni nona cakava na ka oqo: o ira kece na tagane era a lako tani mai Ijipita, kei ira kece na tamata i valu era a mate kecega e gaunisala.

5E dina ga ni ra a cilivi kece o ira ka biuti Ijipita mai, ia o ira kecega era a sucu ena vanua lala donuya na i lakolako mai Ijipita era sa sega ni cilivi.

6Era a veilakoyaki voli na Isireli ena loma ni vanua lala me yabaki vasagavulu, ni ra sa mate kece o ira ka okati na nodra yabaki ni bula me ra tamata i valu ni ra biuti Ijipita mai. Era sa mate ena vuku ni nodra talaidredre vei Jiova. A sa yalataka oti vei ira o koya ni ra na sega ni raica na vanua sa yalataka vei ira na nodra qase me na solia vei ira, o ya na vanua sa dave kina na sucu kei na oni. me yacova na siga edaidai.”

10Ena yakavi, na i katinikava ni siga ni vula o ya, ni ra keba tikoga mai Kilikali ena bucabuca mai Jeriko, era a solevutaka kina mai kea na Isireli na Lakosivia.Na Raivotu i Josua

13Ni sa voleka yani ki Jeriko o Josua, a raica e dua na tamata ni tucake tu e matana, a ucuna na nona i seleiwau ka taura tu e ligana. A sa lako cake vua o Josua ka tarogi koya, “O sa to kei keimami, se o keimami meca?”

14A sa sauma mai o koya, ka tukuna, “Sa sega, ena vukuna e dua! Au sa lako mai me vaka na turaganivalu ni mataivalu i Jiova,” A qai davo sobu vakatoboicu ena vakarokoroko o Josua, ka tukuna. “Oi au na nomuni tamata, na cava o ni vinakata me'u cakava?”

15A sa qai sauma o koya na turaganivalu ni mataivalu i Jiova ka tukuna, “Mo luvata tani na i vava mai na yavamu, ni sa qele tabu na vanua o sa tu kina.” A sa qai cakava vakakina o Josua.