Esiteri 1 - Vakavakadewa Vou kei na iVola tale eso（FNVDC12）

Vakasivoi Vasiti na Ranadi o Tui Asuerosi

1 ka ratou nona dauveiqaravi na tui, o ya o Meumani, o Piseca, o Apona, o Pikica, o Epakica, o Seca, kei Kakasi.

11A qai vakaroti iratou me la'ki kau mai o Ranadi Vasiti, ka me daramaka tu mai na nona i sala vakaranadi. A sa yalewa matavinaka na ranadi, ka gadreva na tui me vakaraitaka na kena totoka vakaoti vei ira na i vakalesilesi kei ira kece na nona vulagi.

12Ia ni ratou sa tukuna vua na ranadi na i vakaro ni tui, a qai bese ni lako mai o koya. A ka oqo sa vakavuna me cudru vakalevu sara kina na tui.

13A qai qara i vakasala vei ira na tamata vuku na tui era kila na ka me caka ena leqa vakaoqo, ni sa nona i vakarau tudei na tui me dau qara i vakasala vei ira era kila vakavinaka na veika vakalawa kei na veika ni veiliutaki.

14A qai taro na tui vei iratou o Kasina, o Seca, o Atimata, o Tasisi, o Mereisi, o Masena kei Memukani - o iratou na lewe vitu na turaga ni Perisia kei Mitia e ratou taravi koya ena veiliutaki ena matanitu, ka ratou veikilai kaya sara vakavinaka.

15A sa kaya vei iratou, “Na cava e dodonu vakalawa me caka vei Vasiti na ranadi ena vuku ni nona sega ni muria na noqu i vakaro e ratou a kauta vua na noqu i talai?”

16Sa qai vosa o Memukani vua na tui kei ira na nona i vakalesilesi: “E sega ni cala duadua ga vua na tui na Ranadi; sa cala talega o koya vei ira kece na i vakalesilesi ni tui, io sa cala vei ira na tagane kecega ena matanitu raraba!

17Na ka sa cakava oqo na Ranadi era na rogoca kecega na yalewa ka na vakavuna me ra beci keda na watidra, ka ra na kaya vakaoqo. ‘E a vakarota o Asuerosi na tui me la'ki kau mai vua o Vasiti na Ranadi, ia a qai bese na Ranadi ni lako vua.’

18O ira sara mada ga na marama ni Perisia kei Mitia era rogoca rawa edaidai na i vakarau a vakayacora oqo na Ranadi era na talanoataka vei ira na nona vakailesilesi liu na tui ka sa na ka levu sara kina na veibeci kei na kena cudru.

19Kevaka sa lomamuni vakakina na tui, ia mo ni qai vakauta e dua na i vakaro vakatui, okati talega me lawa tudei ni vanua o Perisia kei Mitia, me sa kakua sara ni qai lako tale mai vakadua vei kemuni na tui o Vasiti na Ranadi ka me soli sara na nona i tutu vakaranadi vua e dua tale e uasivi cake vua.

20Ni sa na kacivaki kina na i vakaro, era sa na qai rokovi ira na dui watidra o ira na yalewa kecega, se ra vutuniyau, se dravudravua.”

21A vinakata sara ga na tui kei ira na nona daunivakasala ena i vakasala ka tauca oqo o Memukani. A vakayacora na tui na i vakasala i Memukani.

22A qai vakauta na tui na kena i vola ki na nona veiyasana kecega, ka ra volai na i vola ena vosa sara ga ni yasana era dui vakauti kina. Ena i vola o ya a tukuni tu kina ni ra turaga ena nodra dui vale o ira na tagane kecega ka sai ira me na muri na nodra lewa ena nodra dui vale.