1A sa kaya lo e lomana o Tevita, “Au na mate dina ga ena dua na siga ena liga i Saula; ia na sala uasivi duadua me'u muria o ya me'u dro ki na nodra vanua na kai Filisitia; ena qai sega tale ni via qarai au o Saula ena loma ni vanua o Isireli, ka'u na qai bula kina mai na ligana.”
2A cavutu o Tevita, kei ira na lewe ono na drau na tamata era a tiko kaya, ka lako yani vua na tui Kaca, o Akisa na luve i Meoki.
3A tiko kei Akisa mai Kaca o Tevita kei ira na nona tamata, kei na nodra dui lewe ni vale, io, o Tevita kei rau na watina ruarua o Einoami na yalewa ni Jesireli, kei Apikali na yalewa ni Kameli na yada i Nepali.
4A tukuni vei Saula ni a dro ki Kaca o Tevita; a qai sega tale ni qarai koya.
5A sa kaya vei Akisa o Tevita, “E rawa ni o ni vakadonuya na noqu kerekere mo ni solia mada vei au e dua na tiki ni dua na koro ki vanua, me'u tiko kina; ia se cava me'u tiko kina kei kemuni ena nomuni koro vakatui o au na nomuni tamata?”
6Ia ena siga o ya, a solia vua na koro o Sikilaki o Akisa; o koya oqo, a nodra koro kina na tui Juta o Sikilaki, me yacova na siga oqo.
7Ia na dede ni nona tiko o Tevita ena nodra vanua na kai Filisitia e rauta ni dua na yabaki ka va na vula.
8A dau lako cake o Tevita kei ira na nona tamata ka vala kei ira na kai Kesuri, na kai Keseri, kei na Amalekaiti, ni ra i taukei ni vanua oqo e liu, me yaco sara ki Suri ena vanua vaka-Ijipita.
9A ravuta na vanua o Tevita ka sega ni vakabula e dua na tagane, se dua na yalewa, ka kauta tani na sipi, na bulumakau, na asa, na kameli, kei na i sulu, ka lesu tale vei Akisa.
10Ni a tarogi koya o Akisa, ka kaya, “O cei o ni vala vata edaidai?” E dau qai kaya o Tevita, “Keimami vala vata kei ira na Nejevi e Juta,” se “Kei ira na Nejevi mai Jiramieli” se “kei ira na Nejevi mai Kenaiti.”
11A sega ni vakabula o Tevita e dua na tagane, se na yalewa, me tukutuku ki Kaca, ni kaya, “De ra mai tukuni keda, ka vaka, ‘Oqo na cakacaka i Tevita.” Oqo na cakacaka e dau cakava o Tevita ena gauna taucoko sa tiko voli kina mai Filisitia.
12A vakadinati Tevita o Akisa, ka kaya, “Sa vakaboicataki koya vei ira na kainona na Isireli; ia sa na qai noqu tamata kina o koya ena veigauna kece.”
Who We AreWhat We EelieveWhat We Do
2025 by iamachristian.org,Inc All rights reserved.
