2 Tui 11 - Vakavakadewa Vou kei na iVola tale eso（FNVDC12）

O Ranadi Acalaia mai Juta(2Vei 22.10–23.15)

1Ena gauna sa kila kina o Acalaia na tina i Esaia na tui ni sa mate o luvena, a sa vakarota me ra vakamatei kece na lewe ni vuvale vakatui.

2A sa dro bula duadua ga na luve i Esaia tagane o Joasa. Ni sa voleka ni vakamatei o koya kei ira na kena vo, a sa qai vakabulai koya na vugona o Jiosepa na luvena yalewa na tui o Jorami, ka rau mataveiganeni kei Esaia. A sa kauti Joasa kei na nona meimei ki na dua na rumu ni Vale i Jiova me vunitaki koya mai vei Acalaiana, ka mani sega ni mate kina.

3E yabaki ono na nona vunitaka voli na cauravou lailai o Jiosepa ena Vale i Jiova ena gauna a veiliutaki tiko kina o Acalaia.

4Ia ena i kavitu ni yabaki, a talatala o Jioiata na bete me ra kau mai na kavetani ni valu kei ira na i vakatawa, ka kauti ira vua ki na vale i Jiova; a veiyalayalati kei ira o koya ka vakabubuluitaki ira ena vale i Jiova, ka vakaraitaka vei ira na luvenitui.

5A vakaroti ira o koya ka kaya, “Oqo na ka mo dou cakava: mo dou wase tolu; e dua na kena i wase ka cegu mai na yadra ena Siga ni Vakacecegu me yadrava na valenitui,

6e dua na i wase me yadrava na matamata ni koro o Suri, kei na dua tale me tiko ena matamata ni koro e dakudra na i vakatawa, me ra yadrava na valenitui;

7ia oi rau na wasewase ni yadra e rua me mai yadra ena Siga ni Vakacecegu ka vakatawa na Vale i Jiova,

8me ra viribaita na tui ka me taura tu na nodra i yaragi. O koya e lako sivita mai na i yalayala ni vakatawa me na vakamatei. Ia mo dou tiko ravita na tui ni sa veicuruyaki voli.”

9Era a cakava vakakina o ira na kavetani ni valu, me vaka na ka kecega a vakarota o Jioiata na bete. Era sa dui kauti ira mai na nona tamata era a dodonu me ra cegu mai na cakacaka ena Siga ni Vakacecegu, kei ira ka ra mai tekivu yadra ena siga o ya, ka ra lako vei Jioiata na bete.

10A solia na bete vei ira na turaganivalu na moto kei na i sasabai i Tevita na tui era tu ena vale i Jiova.

11Era a tucake na i vakatawa ni ra taura yadua tu na nodra i yaragi, mai na ceva ki na vualiku ni vale, ka volita talega na i cabocabonisoro ni vale.

12A kauti koya na luvenitui o Jioiata na bete, ka vakaisalataki koya ena i sala vakatui ka solia vua na i vola ni vunau; era a buli koya me tui, ka lumuti koya, era a vakasausau, ka kaya, “Me bula balavu na tui!”

13Ni a rogoca o Acalaia na nodra maue na sotia matayadra kei ira na tamata, a qai lako yani o koya ki na Valenisoro, ena vanua era sa vakasoqoni kina na tamata.

14E a raici koya e kea na tui ka se qai buli vou, ni sa tucake tu ena yasa ni duru volekata na i curucuru ki na Valenisoro, me vaka na kena i valavala. Era sa viribaiti koya na turaganivalu kei ira na dauuvu davui, ka ra reki vakalevu na tamata kecega ka uvu davui. A dresulaka na nona i sulu o Acalaia, ka kacivaka, “Na vere! Na vere!”2Tui 23.3

15A vakarota o Jioiata na bete vei ira na turaga ni vale, ka kaya, Dou kauti koya ki tautuba, ena kedra maliwa na matayadra: ia me vakamatei ena i seleiwau na tamata sa muri koya. Ni sa kaya na bete, Me kakua ni vakamatei o koya e lomani vale i Jiova.

16Era a tauri Acalaia ka kauti koya ki na valenitui, ka vakamatei koya ena Matamata ni Ose.

Vakayacora na Veisau o Jioiata(2Vei 23.16-21)

17A cakava o Jioiata e dua na veiyalayalati kei Jiova kei ira talega na tamata, ka me ra tamata i Jiova, ka vakakina na tui kei ira na nona tamata.

18Era a curuma na burekalou i Peali o ira kecega na lewe ni vanua ka basuraka; ka talaraka sobu vakamatailalai na i cabocabonisoro kei na nona matakau ceuceu, era a vakamatei Matani na bete i Peali ena mata ni cabocabonisoro. Ia a lesia na bete eso na turaga me i vakatawa ni vale i Jiova.

19A kauti ira na kavetani ni valu, ira na i vakatawa, kei ira na lewe ni vanua; era a kauti koya sobu na tui mai na vale i Jiova ka lako ena salatu ki na matamata ni koro era dau tiko kina na i vakatawa ki na valenitui. A la'ki tiko o koya ena nodra i dabedabe vakaturaga na tui.

20Era a reki kecega na lewe ni vanua; a sautu ka tiko vagagalu na koro ni tarava tiko na mate i Acalaia ena i seleiwau ena valenitui.

21A yabaki vitu o Joasa ena gauna a tekivu veiliutaki kina.