1O koya e rokova na lawa, e cabora e levu na isoro; o koya e rogoca na ivunau, e cabora na isoro ni veisaututaki.
2O koya e dolea na loloma, e cabora na isoro falawa vakadewataki; o koya e soli iloloma, e cabora na isoro ni vakavinavinaka.
3Na sega ni cala e taleitaka na Turaga; na besetaka na ivakarau cala e isosoi vinaka ni ivalavalaca.
4Kua ni basika ligalala e mata ni Turaga,
5ni dodonu me caka na ka kece qo baleta na ivunau.
6Na isoro ni tamata yalododonu, e lumuta na yaletare qai cabe na kena iboi talei vua na Cecere Sara.
7Na isoro ni tamata dodonu, e na ciqomi, e na sega ni guilecavi rawa.
8Vakalagilagia vakayauyau na Turaga, kua ni mamaqitaka nomu isevu.
9 2Tui 9.7 Solia na isolisoli yadua e na mata mamarau, solia nomu ikatini e na yalomarau.
10Solia lesu vua na Cerere Sara me vaka a solia mai, e na kena levu o rawata,
11ni Turaga e dau veisaumi, e na saumi iko lesu vakavitu.
12Kua ni solia vua na imari, ni na sega ni ciqoma; se mo vakanuinui e na isoro ca, ni Turaga na turaganilewa e sega vua na veitotaki.
Lewa dodonu na Kalou13E na sega ni totaki ira na dravudravua, e na rogoca na nona masu e dua sa veidabuitaki.
14E na sega ni weletaka na nodra vakamamasu na luveniyali se na yada ni sa talaucaka vua na nona leqa.
15E sega beka ni turu sobu e balu ni yada na wainimatana e na nona beitaki koya a vakararawataki koya?
16E na ciqomi o koya e taleitaka na Turaga na nona veiqaravi, nona masu e na tavutu i na o.
17Na masu ni yalomalumalumu e cokabotea na o, e na cegu ga na lomana ni sa yaco sara vua na Turaga;
e na masu tiko ga me yacova ni sa saumi koya na Cecere Sara, vakataulewa baleti ira na yalododonu, totogitaki ira na cala.
18E na sega ni bera na Turaga, e na sega ni vosota vakadede
me yacova ni sa butuka na dakudra na tamata sega ni loloma, sauma lesu nodra veivakacacani na veimatanitu;
me yacova ni sa vakawabokotaki ira na tamata viavialevu, musulaka na nodra kaukaua na tamata ca;
19me yacova ni sa saumi ira na tamata me vaka na nodra ivalavala kei na nodra cakacaka me vaka na inaki ni lomadra;
me yacova ni sa lewa nodra kisi na nona tamata, vakamarautaki ira e na nona yalololoma.
20Na kena taleitaki na loloma e na gauna e vakararawataki ira kina, e vaka na kena taleitaki na o ni uca e na gauna ni lauqa.
Who We AreWhat We EelieveWhat We Do
2025 by iamachristian.org,Inc All rights reserved.
