1Era a qai kauti Usaia o ira kece na Juta, ni se qai yabaki tinikaono, ka buli koya me tui me i sosomi kei Amasaia na tamana.
2A sa qai tara vou tale o Usaia na koro o Eloci me nodra na Juta ni sa mate oti na tamana o Amasaia na tui.
3A sa tekivu veiliutaki vakatui o Usaia ni sa yabaki tinikaono, ka veiliutaki voli e Jerusalemi me 52 na yabaki. Na yaca i tinana o Jikolaia mai Jerusalemi.
4A caka dodonu o koya ena mata i Jiova, me vaka na ka sa cakava o Amasaia na tamana.
5A sa vakadeitaka e lomana me vakasaqarai Jiova ena dela ni gauna i Sakaraia, o koya ka vakavulici koya me rerevaka na Kalou; ka veigauna kecega sa vakasaqarai Jiova kina, a sa vakasaututaki koya na Kalou.
6A lako yani o Usaia, ka vala kei ira na kai Filisitia, ka basuraka sobu na bai mai Kaca, na bai mai Japine, kei na bai mai Asitoti; ka tara eso na koro mai Asitoti, kei na veivanua eso ena kedra maliwa na kai Filisitia.
7A vukei koya na Kalou ena nona vala kei ira na kai Filisitia, kei ira na kai Arapea ka ra tiko mai Kuripeali, kei ira na luve i Maoni.
8Era a soli i vakacavacava vei Usaia o ira na luve i Amoni, ka kuruseta na kena i rogorogo me yaco sara ki na i yalayala kei Ijipita, ni a kaukauwa cake sara mai o koya.
9A sa vakaukauwataka na bai vakaivalu i Jerusalemi o Usaia ena nona tara eso na vale ni yadra balabalavu ena Matamata ki Tutuna, kei na Matamata ni Buca, kei na tikina e la'ki gole kina na bai.
10A tara talega o Usaia eso na vale ni yadra balabalavu ena vanua lala ka kelia eso na drano wai, baleta ni sa levu sara na nona bulumakau ena vanua bucabuca o Sepela. Ena vuku ni nona dau taleitaka na vakayagataki qele, a sa vakauqeti ira na tamata me ra teivaka na vaini ena veidelana ka vakayagataka na veivanua bulabula ena teitei.
11A sa tiko talega e dua na mataivalu levu i Usaia ka ra sa tu vakarau ki na i valu. A kena i tukutuku kece e rau sa vola na vunivola o Jieli kei Meesea, ka rau koto ena ruku ni veiliutaki i Enanaia, e dua na nona turaganivalu na tui.
12A kedra i wiliwili na turaganivalu ka veiqaravi ena loma ni mataivalu era lewe 2,600.
13Era tiko ena rukudra na turaganivalu e lewe 307,500 na sotia qaqa vakaivalu me ra vukea na tui me valuti ira na meca.
14A vakarautaka vei ira na lewe ni mataivalu o Usaia na i sasabai, na moto, na i sala ni vala, na i sulu kaukamea ni seredra, na dakaititi, kei na vatu ni veirabo.
15Era sa buli yaragi vou na tamata cakacaka vakamatai i Usaia mai Jerusalemi, ka okati kina na i yaragi ni vanataki moto kei na vatu lelevu, ka me vanataki oqo mai na vale ni yadra e cake kei na veitutu ni bai kaukauwa. A sa kuruseta na veivanua na i rogorogo ni yacana na tui, ni sa vukei vakalevu me yacova ni sa kaukauwa sara.
Na Dokadoka kei na Viavialevu16Ia ni sa kaukauwa sara o Usaia na tui, a sa tubu cake na nona viavialevu, ka sa vakavuna oqo na nona rusa. E a beca na i tuvatuva i Jiova na nona Kalou ena nona a curuma yani na Valenisoro me vakama na ka boi vinaka ena dela ni cabocabonisoro.
17E a muri koya yani ki na loma ni Valenisoro o Asaraia na bete, ka ra salavata yani e lewe 80 tale na bete yaloqaqa i Jiova,
18Lako 30.7,8; Tiko 3.10me ra vorati koya. Era sa kaya vua na tui, I Usaia! E sega ni nomu i tavi oqo mo vakama na ka boi vinaka vei Jiova. O ira ga na bete mai na kawa i Eroni era sa lumuti ena cakacaka oqo. Biuta na vanua tabu oqo. O sa beca na Kalou o Jiova, ka sa muduki vei iko na nona veivakalougatataki.
19E a tucake voleka tu ki na i cabocabo ni ka boi vinaka o Usaia, ka taura tu e ligana na bilo me vakama kina na ka boi vinaka. A sa cudruvi ira na bete o Usaia, ka vakasauri ni sa tutubu mai e yadrena na vukavuka.
20A sa raica na vukavuka ena yadrei Usaia o Asaraia na bete levu kei ira na vo ni bete ena domobula, ka ra vakasaurarataki koya me biuta na Valenisoro. A sa lako vakusakusa ki tuba o Usaia na tui, baleta ni sa kanakuitataki koya o Jiova.
21A sa okati me tawa savasava o Usaia na tui ena vo ni nona bula, ni sa vukavuka. Me vaka ni sa tabu me curuma tale vakadua na Valenisoro, a sa tiko ga ena nona vale vakaikoya, sa vakacegui mai na nona i tavi kece sara, ka sa cicivaka na matanitu o Jocame na luvena.
22A sa vola na parofita o Aisea na luve i Emosi na veika tale eso sa vakayacora o Usaia na tui ena gauna ni nona veiliutaki.
23Aisea 6.1A sa mate o Usaia ka bulu ena lomanibai ni tui, ia sa sega ga ni bulu vata kei ira na tui ena nodra i bulubulu vakatui ena vuku ni nona vukavuka. A sa sosomitaki koya o Jocame ena veiliutaki vakatui.
Who We AreWhat We EelieveWhat We Do
2025 by iamachristian.org,Inc All rights reserved.
