1Na luvequ, keo bole mo mai qarava na Turaga, mo tu vakarau mo na vakatovolei.
2Mo yalodina, mo yalodei, kua ni tavayaya ni tubu na leqa.
3Kabiti koya matua, kua ni biuti koya, mo qai rokovi ni sa vakarau oti na nomu bula.
4Ciqoma na ka kece o sota kaya; nio vakamaduataki, vosota,
5 Ym 3.5,6; 1Pita 1.7 ni vakatovolei na koula e na buka, o ira na digitaki e na tunua ni madua.
6Mo nuidei vua, e na qai vukei iko; mo vakadodonutaka na nomu gaunisala, mo vakanuinui vua.
7O kemuni na doka na Turaga, moni waraka na nona loloma, moni kua ni gole tani deoni lutu.
8O kemuni na doka na Turaga, moni nuitaki koya, oni na saumi dina ga.
9O kemuni na doka na Turaga, moni namaka na ka vivinaka, na marau kei na loloma tawamudu.
10Ni raica lesu mada na veitabatamata mai liu: o cei mada a nuitaka na Turaga qai vakamaduataki?
O cei a gumatua na dokai koya qai biu tu? Se o cei a masuti koya qai sega ni rogoci?
11E yalololoma na Turaga, e yalovinaka; e dau vosota na cala, veivueti e na gauna ni leqa.
12Mera kalouca na rerere kei na guce kei na dauvalavalaca ra muria e rua na sala!
13Mera kalouca na yalosorosoro, ni sega nodra nuidei!
14Moni kalouca sa oti na nomuni vosota. Na cava oni na cakava ni na tau na kuita ni Turaga?
15 Ym 6.18; Joni 14.15,21,23 O ira na doka na Turaga, era na sega ni beca nona vosa; o ira na lomani koya, era na vakayacora na lomana.
16O ira na doka na Turaga, era na vaqara nona veivakadonui; o ira na lomani koya, era na vakasinaiti e na lawa.
17O ira na doka na Turaga, era na vakarautaka na yalodra, era na vakamalumalumu e matana.
18Meda soli keda vua na Turaga, kua vei ira na tamata; na levu ni nona lagilagi, na levu ni nona veivosoti.
Who We AreWhat We EelieveWhat We Do
2025 by iamachristian.org,Inc All rights reserved.
