Same 11 - Vakavakadewa Vou kei na iVola tale eso（FNVDC12）

1Au sa vakadinata Jiova ni o ni na taqomaki au,

A cava o ni kaya kina vei au,

“Dro ki na veiulunivanua me vaka na manumanu vuka,

2Baleta ni ra sa dreta na wa ni nodra dakaititi na tamata ca

Ka ra vakadodonutaka na nodra gasau

Me ra vanai ira na tamata vinaka ena butobuto.

3Na cava ena cakava rawa e dua na tamata dodonu

kevaka sa vakarusai na yavu?”

4Sa tiko o Jiova,

Ena nona i tikotiko vakatui mai lomalagi.

Sa wanonovi ira tiko mai na tamata kecega,

Ka sa kila vinaka na veika era cakava.

5Sa dikevi ira ruarua na yalododonu kei na i valavala ca.

Ka sa cata na tamata i tovo ca ena yalona taucoko.

6Ena tala sobu mai o koya na bukawaqa kei na sulifure

Ka sa waqa tu vei ira na tamata i valavala ca.

7Sa yalododonu o Jiova ka taleitaka na i tovo vinaka;

O ira sa talairawarawa vua era na tiko ga e matana.

Masu ni Kere Veivuke

Vua na i liuliu ni sere: me baleta na Seminica. A Same i Tevita.