Same 52 - Vakavakadewa Vou kei na iVola tale eso（FNVDC12）

Na Nodra Lewai na Tamata CaVua na i liuliu ni sere; a Masikili. A Same i Tevita ni sa lako mai o Toeki na kai Itomi vei Saula ka tukuna vua, “Sa lako mai o Tevita ki na vale i Eiimeleki.”

1O iko na tamata qaqa,

Na cava o rui cibitaka kina na nomu i tovo vakasisila?

Na yalodina ni Kalou ena ia tikoga ka sega ni mudu.

2O sa ia na buki vere mo vakarusai ira na tani;

Na yamemu sa vaka na batinitoro gata.

O sa daubuli lasu voli ga.

3O sa taleitaka vakalevu cake na ca mai na vinaka,

Kei na veika lasu mai na veika dina.

4O sa dau taleitaka mo vakacacani ira na tamata ena nomu vosa lasu.

5Sa i koya oqo ena vakarusai iko kina na Kalou ka sega ni mudu;

Ena tauri iko ka kauti iko tani mai na nomu valelaca;

Ena kauti iko tani mai na nodra vanua na bula.

6Era na raica na ka oqo na tamata yalododonu ka ra rere;

Era na dredrevaki iko ka kaya,

7“Raica, sai koya oqo e dua na tamata

sa sega ni via vakararavi ki na veitaqomaki ni Kalou;

Ia, sa vakararavi ga ki na nona i yau levu

Ka vaqara me taqomaki ena nona i tovo ca!”

8Ia, au sa vaka ga na vuniolive sa tubu tiko ena vale ni Kalou;

Ka'u sa vakadinata ga na nona loloma tudei ka sega ni mudu.

9Au na dau vakavinavinaka tikoga vei kemuni, na Kalou

ena vuku ni veika o ni sa vakayacora;

Au na dau tukuna tikoga na nomuni vinaka

e matadra na nomuni tamata.

Na Dukadukali ni Tamata Lialia(Same 14)

Vua na i liuliu ni sere: me vaka na Maalaca; a Masikili i Tevita.