1 Vrua 13.1-5; 18.9-14 Na tamata lialia e vakalaboci e na vakanuinui lasu dokadoka, e mateca na ka e tadra.
2O koya e vakabauta na tadra, e vaka e dua e tobo iyaloyalo se cemuri cagi.
3Na ka e laurai e na tadra, e yaloyalo ga ni ka dina, me vaka na mata e na iloilo.
4Na ka duka cava e na vu mai kina na savasava? Na ka lasu cava e na vu mai kina na dina?
5Na daurairai, na ivakatakilakila, na tadra e ka lialia, e vaka na yalewa taratara e raica e levu na ka.
6Kua ni vakabauta, vakavo kevaka e solia mai o koya na Cecere Sara,
7ni tadra sa lasutaki ira e lewe levu; o ira era vakanuinui kina, era sa vakanuinui wale.
8E na taucoko ga na lawa ke sega na veidabui vaqo, e taucoko na yalomatua ni tukuni na dina.
Veilakoyaki9O koya sa sikova e levu na vanua, e kila e levu na ka; o koya e raba na nona kila, e vakaibalebale na ka e tukuna.
10O koya sa raica e lailai na ka, e rabailailai na ka e kila, ia o koya sa veilakoyaki vakalevu, e levu na ka e kila.
11Au sa raica e levu na ka e na noqu veilakoyaki; e levu na ka au sa raica, lailai na ka e rawa niu vakamacalataka.
12E levu na gauna sa dodonu meu mate, e vakabulai yau ga na noqu kila.
Doka na Turaga13E na bula na yalodra o ira era doka na Turaga, nira vakanuinui vei koya e na vakabulai ira.
14O koya e doka na Turaga e na sega ni rere se dadatuvu, ni o koya na nona inuinui.
15Kalougata na yalona o koya e doka na Turaga! E gole vei cei o koya? O cei na nona itokani?
16Na Turaga e raici ira tu na lomani koya; o koya na isasabai kaukaua, na itokoni rawaka,
na itataqomaki mai na cagi katakata, na ivakaruru mai na sigalevu tutu,
na icuqeni me kua na tarabe, na itokoni me kua na bale.
17E vueta na yalo, vakararamataka na mata, e itaukei ni veivakabulai kei na veivakalougatataki.
Cabo isoro18Kevaka e dua e vakacabora na ka e butakoci mai, sa duka na isoro qori; e sega ni ciqomi na nodra isolisoli na tamata valavalaca.
19Na Cecere Sara e sega ni taleitaka na nodra isoro na tawadodonu; e sega ni sosoya rawa na nona cala e vicasagavulu na isoro.
20O koya e butakoca na manumanu ni dravudravua me vakacabora, e vakataki koya e vakamatea na gone e mata i tamana.
21Na kakana ni dravudravua e nona bula; o koya e qai butakoca sa daulaba.
22Eda sa laba nida butakoca na iyau ni kainoda; eda vakadave dra nida bureitaka vua na tamata cakacaka na kena isau.
23Ni dua e tara, dua e talaraka, na cava erau rawata? Na buno ga!
24Ni dua e masu, dua e vosa ca, o cei vei rau e na rogoca na Turaga?
25Kevaka e dua e sili ni tara na yagonimate qai tara tale, na cava na betena na nona sili?
26O koya gona ke dua e lolo e na vuku ni nona ivalavalaca qai lai cakava tale na ka vata ga,
o cei e na rogoca na nona masu? Cava na betena na nona sa vakuai kaya?
Who We AreWhat We EelieveWhat We Do
2025 by iamachristian.org,Inc All rights reserved.
