1Ena gauna o ya, a tauvi mate o Apaijia na luve i Jeropoama.
2A sa kaya o Jeropoama vua na watina, “Mo tucake, ka vakalecaleca me vaka e dua na yalewa tani, mo kakua ni kilai kina ni o sa wati Jeropoama, ka lako ki Sailo: raica, sa tiko mai kea o Eaija na parofita, o koya a tukuna vei au ni'u na nodra tui na tamata oqo.
3Ia mo kauta tiko e tini na i buli madrai, eso na keke, kei na dua na tavaya oni, ka lako vua; ena tukuna vei iko o koya na ka ena yaco vua na gone.”
4A cakava vakakina na wati Jeropoama, a cavutu ka lako yani ki Sailo, ki na vale i Eaija. Ia a sega tu ni rai rawa o Eaija, ni a buwawa na matana ni sa qase sara o koya.
5A vosa o Jiova vei Eaija ka kaya vua,
“Raica, sa lako tiko mai na wati Jeropoama, me taroga vei iko se na vaka e vei na luvena; ni sa tauvi mate tiko o koya. A sa qai kaya vua na Kalou na veika me tukuna. Ia ni yaco yani, a sa vakalecaleca yani me vaka e duatani tale na yalewa.
6Ia ni rogoca na vadugu ni yavana o Eaija, ni curu yani e katuba, a kaya, “Curu mai na wati Jeropoama; a cava o sa lako vakalecaleca mai? Sa tiko oqo vei au na i tukutuku bibi ka'u sa talai kina vei iko.
7Mo lako, mo kaya vei Jeropoama, ‘Sa vosa vakaoqo o Jiova, na nodra Kalou na Isireli, “Au a digitaki iko ena kedra maliwa na tamata, ka lesi iko mo tui vei ira na noqu tamata na Isireli.
8Au a kaliraka tani na matanitu mai na mataqali i Tevita na noqu i talatala, o koya ka muria na noqu i vakaro, ka muri au ena yalona taucoko, me cakava ga na ka e dodonu e mataqu.
9Ia o a cakava na ka ca ka uasivia na nodra i valavala ca kecega era bula e liu vei iko; ni o sa cakava eso na kalou tani kei na veimatakau eso sa vakawaicalataki, ka me vakacudrui au, ka sa biuti au tani kina ki dakumu.
10Ena vuku ni ka oqo, au na vakayacora kina na ka ca ki na mataqali i Jeropoama, ka muduki ira laivi na tagane kecega mai na mataqali i Jeropoama, o koya sa vesuki kei koya sa lako voli e Isireli, ia ka'u na taviraka tani na vo ni kawa i Jeropoama me vaka sa vakama yavu na de ni manumanu na tamata, ka me oti kece sara vakadua.
25Ena i kalima ni yabaki i Reopoama na tui, a la'ki vala ki Jerusalemi o Sisaki na tui Ijipita.
26A sa kauta tani o koya na i yau mai na Valenisoro kei na i yau mai na valenitui, ka okati kina eso na i sasabai koula a cakava o Solomoni.1Tui 10.16-17; 2Vei 9.15-16
27A sa cakava o Reopoama na tui eso na i sasabai parasa me kedra i sosomi, ka tataunaka na kedra maroroi vei ira na turaganivalu ni matayadra ni valenitui.
28Ena veigauna kece sara e gole kina na tui ki na Valenisoro, era sa dau kauta yani na matayadra na i sasabai, ka ra dau qai vakasuka tale ki na vale ni yadra.
29Ia na vo ni cakacaka i Reopoama kei na ka kecega a cakava o koya sa volai ena I Vola ni Veika sa Caka ena Nodra Veigauna na Tui Juta.
30E rau a veivaluvaluti tiko kei Jeropoama ena nodrau gauna kecega.
31A mate o Reopoama ka moce kei ira na nona qase, a bulu vata kei ira na nona qase ena koro i Tevita. Ia na yaca i tinana o Nema, na yalewa ni Amoni. A tui o Epaijami na luvena me kena i sosomi.
Who We AreWhat We EelieveWhat We Do
2025 by iamachristian.org,Inc All rights reserved.
