1O koya e dau sauma lesu na ca, e na qai saumi koya vakina na Turaga, o koya e na dikeva matua na nona ivalavalaca.
2 Maciu 6.14; Maciu 11.25 Vosota na wekamu e na cala e cakava, e na qai vosoti na nomu ivalavalaca nio masu.
3E dodonu vua e dua me cudruva tu e dua tale, qai qara bula vua na Turaga?
4E sega ni lomana e dua e vakataki koya, e dodonu gona me qai masu me boko nona cala?
5Kevaka o koya e tamata ga e katona na cudru, o cei e na qai sosoya na nona ivalavalaca?
6Nanuma na itinitini ni nomu bula, vakanadakuya na veimecaki; nanuma na vakacaca kei na mate, mo dina tiko ga e na ivunau.
7Nanuma na ivunau, kua ni cudruva na wekamu; nanuma na veiyalayalati nei koya na Cecere Sara, kua ni wilika na lecaika.
Veileti8Kua ni veiba, o na vakalailaitaka na ivalavalaca; o koya e dau cudrucudru, e na vakavuna na veiba;
9na tamata valavalaca e vu ni nodra tiko vakaca na veiwekani; e na vakavu veimecaki vei ira era veilomani tu.
10Na levu ni buka, na levu ni katakata; na levu ni lomaqa, na levu ni yalokatakata;
na levu ni nona itutu e dua, na levu ni nona cudru; na levu ni nona iyau, na levu ni nona cudrucudru.
11Na veiba tubu vakasauri e vakavu leqa; na veiqati totolo e dave kina na dra.
12Keo uvuca na qilaiso, e na waqa; keo kasivita, e na boko; erau vu ruarua ga mai gusumu.
Veikauyaka na vosa13 Sr 51.2-6; Jeme 3.5-12 Vakaloucataki ira na dauvakasolokakana kei na dauveidabui, nira sa vakaleqai ira e lewe levu era veilomani tu.
14Na veibeitaki vakailasu, sa vakaleqai ira e lewe levu, era sa dui tutu kina e na veimatanitu;
sa vakacacana na veikoro kaukaua, vakatobuicutaka na nodra vale na tamata rogo.
15Na veibeitaki vakailasu, sa cemuri ira na yalewa yaloqaqa, vakuai ira mai na vua ni nodra cakacaka.
16O koya e kauaitaka na veibeitaki vakailasu, e na sega ni vakacegu, e na sega ni bula e na marau.
17Na ikuita e tu na mawena, ia na vosa e vorolaka na sui.
18E levu era sa mate e na iselewau; e levu sara e na yame ni tamata.
19Kalougata o koya e taqomaki mai kina, e sega ni se vakila na kena cudru,
e sega ni se cola na kena ivua, e sega ni se vauci e na kena ivesu,
20ni kena ivua e ivua kaukamea, na kena ivesu e ivesu varasa;
21na kena mate e mate vakarerevaki, o Etesi sara e vinaka cake.
22Na veibeitaki vakailasu, e na sega ni lewai ira na itovo vakalotu, era na sega ni vakamai e na kena yameyame.
23O ira ga era vakanadakuya na Turaga, era na coka e na kena kaukaua; e waqa tiko e na kedra maliwa, e na sega ni boko rawa.
E na talai me vakasasataki ira vaka na laione; e na qurulaki ira vaka na lepati.
24E sega nio viribaita nomu itikotiko e na kau vakavotona, lokataka nomu siliva kei na koula?
25Vakina, mo tuvana vakamatau nomu vosa, cakava e dua na isogo ni gusumu.
26Qarauna de cala na yamemu deo lutu yani vei koya e waraki iko tiko mai.
Who We AreWhat We EelieveWhat We Do
2025 by iamachristian.org,Inc All rights reserved.
