1Na noda bula na tamata e rui voravora ka kaukauwa
Me vaka na bula vakaivalu kei na cakacaka e tautuba,
2Me vaka na bobula e gadreva tu na batabata ni ruku ni kau
Se na tamata cakacaka ka waraka tiko na kena i sau.
3Ni oti tiko yani na veivula yadua,
Sa oti tale tikoga yani na i naki ni noqu bula;
Ia na veibogi yadua sara, sa kauta ga mai vei au na rarawa.
4Ni'u dau davo ena bogi, au sega ni moce rawa,
Na berabera ni gauna au sega ni tukuna rawa;
Au veivukiyaki koto ga
Ka gadreva vakaukauwa me mataka totolo mai na vanua.
5Na vidikoso levu sa robota na yagoqu kecega,
Ka sinai kina na ulo kei na nana boi ca.
6Na noqu veisiga sa totolo tiko yani,
E totolo cake ka bera na nona vulo wa na dautalitali.
7Ni nanuma na Kalou, ni noqu bula na cagi wale ga,
Na noqu marau sa mai cava koto talega.
8O ni se raici au rawa tiko oqo,
Ia e sega tale vakadua e muri.
Kevaka o ni qai vakasaqarai au tale,
Sa seva ga, sa bera, ni'u sa mate.
9 Ym 2.1-4 E tautauvata sara ga na tamata kei na o sa seyavu ka sa yali,
Ni sega ni qai lesu tale mai ni sa mate oti yani.
10Oti, era a qai guilecava na nona veikilai taucoko sara.
11Me'u tiko lo rawa beka? Sega, sa sega ni rawa!
Au sa rui cudru ka yalo ca dina sara,
Ka'u sa na vosa mada ga ni'u sa rarawa.
12A cava sara mada o ni vakatawai au tiko kina?
Oi au beka e dua na tevoro ni wasaliwa?
13Ia ni'u davo sobu me'u bau cegu mada,
Ka rawa na i wali ni noqu mosi kei na rarawa.
14A qai levu ga na raivotu kei na tatadra me'u domobula kina
Ni'u rui rerevaka oqo na nomuni cakacaka.
15Sa vinaka cake vei au na kuna me'u mate yani,
Ka ca na bula tiko ena yago vakaloloma vakaoqo.
16Au sa rui oca, ka'u sa leqa ena bula sa sega na betena.
Au sa soro dina sara ga ka'u sa kerea me'u sa biu tu ga.
17 Same 8.4; 144.3 A cava e rui bibi kina vei kemuni na tamata?
A cava o ni dau via kila kina na ka e cakava?
18O ni dau mai sikovi koya e veimataka,
Ka vakatovolei koya e veigauna kece sara.
19E sega li ni rawa mo ni rai tani mada vakabalavu
Me'u rawa kina ni tiloma sobu na noqu weli?
20Kevaka au sa cala, a cava au sa cakava vei kemuni,
Oi kemuni na i vakatawa ni tamata?
A cava na vuna sa yaco kina me'u nomuni takete?
Sa yaco beka li me'u i colacola bibi vei kemuni?
21E sega beka ni rawa mo ni vosota na noqu cala?
O ni sega beka li ni rawa ni bokoca na ca kece au kitaka?
E sega ni bera ni'u sa na mate yani,
Ka'u sa na yali ena gauna o ni vaqarai au kina.
Who We AreWhat We EelieveWhat We Do
2025 by iamachristian.org,Inc All rights reserved.
