1Oqo na vosa vakaibalebale i Solomoni:
A gone vuku sa vakamarautaki tamana, ia na gone lialia sa vakavuna na rarawa i tinana.
2Na i yau e rawati mai na veivakaisini ena sega ni kauta mai na vinaka, ia na caka dodonu ga ena vakabulai iko.
3Ena sega ni laivi ira na tamata vinaka o Jiova me ra viakana, ia ena tarovi ira ga na tamata ca mai na nodra rawata na veika era vinakata.
4Na vucesa ena vakavuna mo dravudravua, ia na cakacaka vakaukauwa ga ena makutu ena vakavuna na nomu vutuniyau.
5Na tamata yalomatua ena kumuna vata na nona vua ni qele ena gauna sa matua kina; sa ka e veivakamaduataki na gone e moce tu ga ena gauna ni tatamusuki.
6Na tamata yalododonu ena vakalougatataki, ia na nona vosa na tamata ca sa vunitaki ena nona i tovo kaukauwa.
7Na tamata vinaka ena daunanumi me vaka e ka ni veivakalougatataki, ia na tamata ca ena sega ni bau dua na kena i divi.
8Na tamata yalomatua ena muria na i vakasala vinaka, ia na tamata dauvosa vakalialia ena rusa laivi.
9Na tamata yalodina ena taqomaki ka tiko vinaka, ia ena vesu ga o koya sa cakacaka vakatawadodonu.
10Na tamata sa dautabaka sobu na ka dina sa dauvakavuna na leqa, ia o koya sa dauvosa vakadodonu e matanalevu sa cakacakataka ga na tiko veimaliwai vinaka.
11Sa vu ni bula na nona vosa na tamata yalododonu, ia na nona vosa na tamata ca sa vunitaki kina na i tovo kaukauwa.
12 Jeme 5.20; 1Pita 4.8 Na veicati sa vakavuna na veivala, ia na loloma sa ubia na cala kecega.
13Sa kune na vuku ena nona vosa na tamata yalomatua, ia sa dodonu ga me ra cudruvi na tamata yalowai.
14Na tamata yalomatua sa kuria tikoga na vuku sa rawata, ia ni vosa tu e dua na tamata lecaika, sa sega ni yawa sara na leqa.
15Na i yau sa daumaroroi ira na tamata vutuniyau; sa vakacacani ira ga na dravudravua na kena sega vei ira na i yau.
16Na i sau ni cakacaka vakadodonu na bula, ia na i valavala ca sa vakasucuma e levu cake tale na i valavala ca.
17Na tamata sa rogoca na nona vakadodonutaki ena bula, ia na tamata sa sega ni vakadinadinataka ni sa cala o koya ena leqa.
18Na tamata sa vunia na yalona ca ni veicacati sa tamata lasulasu. Na tamata sa dau vakadewataka na kakase sa tamata lialia.
19Na levu ga ni nomu vosa, na kena totolo talega ni basika mai na i valavala ca. Kevaka o sa yalomatua, o na tiko lo ga.
20Na nona vosa e dua na tamata vinaka sa vaka na siliva digitaki; ia sa tawayaga ga na nona vakasama na tamata ca.
21Na nona vosa na tamata vinaka ena yaga vakalevu ki na lewe vuqa, ia sa rawa ni o vakamatei iko ga vakai iko mai na nomu lecaika.
22Na veivakalougatataki i Jiova sa vakavuna na nona vutuniyau e dua na tamata, ena sega ni kuria o koya ena cakacaka kaukauwa.
23Na tamata lecaika sa marautaka ni cakava na ka ca. Ia na tamata yalomatua sa marautaka ga na kena taukeni na vuku.
24Na tamata yalododonu ena rawata na ka e vinakata, ia na tamata ca ena rawata na ka e rerevaka vakalevu duadua.
25Ni sa liwa mai na cava, era na cagina tani na tamata ca, ia o ira na tamata yalodina era na taqomaki vinaka.
26Kakua ni kauta mai e dua na tamata vucesa me cakava e dua na nomu cakacaka; ena vakatubu leqa ga o koya me vaka na wai wiwi e batimu se na kubou e matamu.
27Mo talairawarawa vei Jiova, ena qai balavu na nomu bula. Era sa mate ga na tamata ca ni se bera na nodra gauna lokuci.
28Na nodra vakanuinui na tamata vinaka sa tini ga ena reki, ia sa sega ga na ka era sa nanamaki kina na tamata ca.
29Sa taqomaki ira na tamata daucakacaka vakadodonu o Jiova, ia sa vakarusai ira ga sa kitaka na i valavala ca.
30Era na dau maroroi tikoga na tamata yalododonu, ia era na sega ni bula rawa na tamata ca me vakatawai vuravura.
31Era sa dauvosa vakayalomatua na tamata yalododonu, ia na yame sa dautukuna na ka ca ena muduki.
32Era sa kila na vosa vinaka me tukuni na tamata yalododonu, ia era sa dautukuna ga na ka ni veivakamavoataki na tamata ca.
Who We AreWhat We EelieveWhat We Do
2025 by iamachristian.org,Inc All rights reserved.
