1 Vtaki 5.5; 22.16 Na kawa vakatui nei Tevita sa vaka e dua na kau sa musuki; ia me vaka ni dau cadra cake tale mai eso na tabana vovou mai na i musumusu ni kau se mai na wakana, sa vakaoqo na nona vakarau cadra cake talega mai vakakina e dua na tui vou mai na kawa i Tevita.
2Ena tiko vua na yalo i Jiova,
Ka na solia vua na yalo ni vuku kei na kila-ka,
Na yalo ni veituberi kei na kaukauwa,
Na rerevaki Jiova kei na yalomatua.
3Na ka e marautaka sai koya na rerevaki Jiova.
Ena sega ni vakatau na nona lewa ena ka e raica,
Se vakatulewa ena ka e rogoca;
4 2Cesa 2.8 ia ena lewai ira na dravudravua ena lewa dodonu
Ka taqomaka na nodra dodonu na yalo malumalumu.
Ena ravuta na vanua ena nona i vakaro,
Ka ra na mate kina na tamata i valavala ca.
5 Efe 6.14 Ena lewai ira na nona tamata ena lewa dodonu kei na yalodina.
6 Aisea 65.25 E rau na bula vata na olifa kei na sipi,
Ka rau na davo vata na leopate kei na me.
E rau na kana vata na luve ni bulumakau
Kei na luve ni laione,
Ka na liutaki ira e dua na gone lailai.
7E rau na kana vata na bulumakau yalewa kei na bea;
Era na davo vata na luvedra,
Ena kana co madu na laione me vaka na bulumakau.
8Na gone dramidrami ena qito voli ena dela ni qara ni gata bati gaga,
Ka na biuta na ligana na gone lailai ena dela ni qara ni gata.
9 Apa 2.14 Era na sega ni mavoa se vakarusai
O ira kece era tiko ena noqu ulunivanua tabu.
Ena sinai o vuravura ena kila-ka me baleti Jiova
Me vaka sa robota na wasawasa na waitui.
O Ira ka Kau Vakabobula Era na Lesu Tale Mai10 Roma 15.12 Ena siga o ya ena yaco na tui vou mai na kawa i Jese me i vakatakilakila vei ira na veimatatamata kecega. Era na qarai koya na veimatanitu, ka na lagilagi na nona i tikotiko vakatui.
11Ena siga o ya, ena vakayagataka tale na nona kaukauwa na Turaga me kauti ira lesu tale mai na vo-ni-bula vei ira na nona tamata mai Asiria, Ijipita, Pucirosi, Eciopea, Ilama, Saina, Emaci kei na veibaravi.
12Ena qai vakaraitaka cake na Turaga,
E dua na i vakatakilakila vei ira na veimatanitu,
Ka vakasoqoni ira tale mai na vakasavi tani e Isireli,
Ka kauti ira vata mai na lewe i Juta era veiseyaki tu,
Mai na tutuna vava kei vuravura.
13Sa na oti vakadua na vuvutaki Juta nei Isireli,
Ka sa na sega tale ni meca kei Isireli na vanua o Juta.
14Ia era sa qai valuti Filisitia vata ena ra,
Ka ravuti ira na tamata era tiko ki na tokalau.
E rau na valuti Moapi kei Itomi,
Ka ra na talairawarawa vei rau na kai Amoni.
15 Vtaki 16.12 Ena vakarusa sara o Jiova
Na toba ni wasawasa ni Ijipita;
Ena qai vakamamacataka na uciwai na Uferetisi
Ena nona cagi levu katakata.
Ena vukica o koya me vitu na i vakata ni wai,
Me ra lako kosova rawa kina na tamata.
16Ena qai dua na gaunisala levu mai Asiria
Me baleti ira na vo-ni-bula vei ira na nona tamata
Me vakataki ira na nodra qase na Isireli
Ena nodra biuta mai na vanua o Ijipita.
Who We AreWhat We EelieveWhat We Do
2025 by iamachristian.org,Inc All rights reserved.
