Lako Yani 1 - Vakavakadewa Vou kei na iVola tale eso（FNVDC12）

Era Kune Rarawa na Isireli e Ijipita

1Oqo na yacadra na luve i Isireli ka ra a lako vata mai kei Jekope i Ijipita kei na nodra dui vuvale;

2O Rupeni, o Simione, o Livai, o Juta,

3o Isakari, o Sevuloni, o Penijamini,

4o Tani, o Navitalai, o Kata, kei Aseri.

5Na kedra i wiliwili taucoko na kawa i Jekope e vitusagavulu. Ia sa tiko rawa mai Ijipita na luvena o Iosefo.

Vakararawataki o Ira na Isireli

6A sa mate o Iosefo kei iratou kece na tuakana, kei na i tabatamata o ya;

7ia era a tubu na Isireli me ra lewe vuqa, ka ra sa yaco me dua na yavusa levu ka kaukauwa sara, ka ra sa vakasinaiti Ijipita.

8A sa dua tale na tui vou e Ijipita, ka sa sega ni kila e dua na ka me baleti Iosefo.