1Kua ni vorata na tamata kaukaua de rawati iko.
2Kua ni veiba kei na vutuniyau de vakadrukai iko na nona iyau,
ni koula sa vakaleqai ira e lewe levu, sa vakacalai ira na tui.
3Kua ni veiba kei na daukakase, o na utura ga kina nona buka.
4Kua ni veiwali kei na tamata lecaika dera vosa vakacacataki kina na tubumu.
5Kua ni vakalewa e dua sa biuta tiko nona ivalavalaca; nanuma nida cala kece.
6Kua ni cata e dua ni sa qase, ni so mada ga vei keda da sa qase tiko mai.
7Kua ni cibi ni dua sa mate, nanuma nida na mate kece.
8Kua ni vosa beca nodra vosa na vuku; ogataka ga nodra vosa vakaibalebale,
o na rawata kina na vuli, o na kila kina na qaravi ira na ka lelevu.
9Kua ni vakawalena na nodra vosa na qase, nira a vulica vei ira nodra qase;
e na tubu kina nomu yalomatua, o na kila kina na iwali ni leqa.
10Kua ni bukana na dau valavalaca deo kama e na nona yameyame.
11Kua ni luletaka na tamata vosalevu, de vukica tale nomu vosa o qai coko kina.
12Ke dua e kaukaua cake vei iko e kerea e dua na ka, kua ni solia; kevaka o solia, mo kila ni sa yali.
13Kua ni vakadeitaka na dinau e leka kina nomu iqila; keo vakadeitaka, kila ni rawa ni lavaki mo sauma.
14Kua ni veilewaitaka na turaganilewa, ni na qaqa o koya e na vuku ni nona itutu.
15Kua ni salavata kei na tamata doce deo qai sosa kina,
ni na muri lomana ga, nona sese drau na leqa vata ga.
16Kua ni veivala kei na yalototolo, se mo tomani koya i veikau,
ni ka wale vua na vakadave dra; niodrau sa tiko taurua, e na mokuti iko.
17Kua ni kere ivakasala vua na lialia, ni na vakacila nomu ivunivuni.
18Kua ni gusu levu ni tiko na vulagi; o sega ni kila se cava e na tukuna kina.
19Kua ni vakalasikana raraba na lomamu de na vuka kina nomu kalougata.
Who We AreWhat We EelieveWhat We Do
2025 by iamachristian.org,Inc All rights reserved.
