Cakacaka 28 - Vakavakadewa Vou kei na iVola tale eso（FNVDC12）

Mai Molota

1Ni keimami sa cabe bula i vanua, keimami sa qai kila ni yaca ni yanuyanu o ya o Molota.

2Era sa lomani keimami vakalevu sara o ira na i taukei. Era a kidavaki keimami kece, ka vakawaqa na buka ka ni sa tau mai na uca ka sa batabata sara na draki.

3A la'ki kumuna mai e dua na i vesu buka o Paula, ka la'ki tuva sara ki na buka sa waqa koto; sa qai dolo mai kina e dua na gata ena vuku ni katakata, ka viviga na ligana.

4Ia ni ra sa raica o ira na i taukei ni sa lili tiko na gata e ligana, era sa veikayaka vakai ira, “Sa tamata daulaba dina o koya oqo. E sa cabe bula mai wasawasa, ia e sega ga ni laivi koya me bula o Lewa Dodonu.”

5Ia sa qai kuretaka tani na gata o koya ki na buka, ka sega ni dua na kena leqa e yaco vua.

6Era namaka na i taukei me na vuce na yagona se me bale ka mate vakasauri. Ia ni ra sa waraka toka vakadede, ka raica ni sega ni dua na leqa e yaco vua, sa veisau tale na nodra vakasama ka ra sa kaya, “O koya e dua na kalou!”

7E sega soti ni yawa maikea na veitiki ni qele nei Papiliu, na turaga ni yanuyanu o ya. E a kidavaki keimami ena yalo vinaka ka keimami nona vulagi tiko ena tolu na siga.

8E a tauvi tama i Papiliu tiko na katakata kei na coka dra. Sa qai curu ki na vanua e davo koto kina o Paula ka masu, ka tabaki koya ena ligana, ka vakabulai koya.

9Ni sa yaco na ka oqo, era sa qai lako yani na vo ni tauvimate ena yanuyanu o ya ka ra sa vakabulai.

10Era a solia vei keimami e vuqa na ka-ni-loloma, ia ni keimami sa vakarau soko tale, era sa qai vakavodoka ki waqa na veika ena yaga vei keimami.

Mai Molota ki Roma

11Ni sa oti e tolu na vula, keimami sa qai soko ena dua na waqa ka kele koto ena yanuyanu o ya ena vula i liliwa. E waqa mai Alekisadria, ka vakatokai na “Drua Tagane”.

12Keimami sobu mai na koro o Sairakiuse, ka tiko kina ena tolu na siga.

13Mai kea keimami sa qai veicavuyaki ka yaco ki na koro o Rejiumi. Ena siga ka tarava, sa qai liwa toka mai na ceva, ka oti e rua na siga keimami sa yaco yani ki na koro o Putioli.

14Keitou a sota e kea kei na so na tamata era sa vakabauta, ka ra kerei keitou me keitou tiko mada kei ira me dua na macawa. Oti o ya keimami sa qai lako ki Roma.

15Era a sa rogoca mai na ka e baleti keitou o ira na vakabauta mai Roma, ka ra mani mai tatavaki sara tu ki na Makete i Apiusi kei na koro o Buretolu. Ia ni sa raici ira o Paula sa vakavinavinaka vua na Kalou, ka sa vakayaloqaqataki vakalevu o koya.

Mai Roma

16Ni keimami sa yaco ki na koro levu o Roma, sa qai vakatarai vei Paula me sa tikoga vakai koya, ka vakatawani koya voli ga e dua na sotia.

17Ni oti e tolu na siga, sa qai kacivi ira vata na nodra i liuliu na Jiu e kea o Paula. Ni ra sa soqoni vata yani, sa qai kaya vei ira o koya. “Oi kemuni na wekaqu, e dina ga ni'u a sega ni cakava e dua na ka ca vei ira na noda qase, ia au a vesu ga ka soli vei ira na kai Roma mai Jerusalemi.

18Ia ni ra sa vaqaqai au na kai Roma, era a via sereki au ni a sega na ka e dodonu me tau kina na i totogi mate vei au.

19Ia ena nodra cata ga na ka oqo o ira na Jiu, au a mani vakauqeti kina me'u cavuta na Sisa me mai lewai au; e sega ni baleta ni dua na ka au beitaki ira kina na kai noqu.

27Ni sa kaukauwa na lomadra na tamata oqo,

Ka sa didivara na daligadra,

Ka bobo na matadra.

De na qai rai rawa na matadra,

Ka rogo na daligadra,

Ka kila na lomadra,

Ka ra saumaki mai vei au, me'u vakabulai ira.’ ”

28Sa qai tinia o Paula ka kaya vakaoqo: “Sa dodonu mo ni kila tiko kina, ni sa kau na i tukutuku ni veivakabulai ni Kalou kivei ira na kai matanitu tani. Era na vakarorogo kina o ira.”

29(Ia ni sa tukuna oti na ka o ya o Paula, era sa mani lako tani na Jiu ka veileti sara vakalevu vakai ira.)

Sa Veivakatavulici Tiko o Paula me Rua na Yabaki

30E a tiko e kea o Paula, ena vale ka sauma tikoga o koya, ka rua taucoko na yabaki. A sa dau vakacegui ira kecega kina era lako yani vua.

31A sa vunautaka tikoga o koya na Matanitu ni Kalou, ka veivakatavulici ena doudou kei na galala me baleta na Turaga o Jisu Karisito.