1A yaco mai vei au na vosa i Jiova, ka vaka,
2“Luve ni tamata, a cava e yaga cake kina na vunivaini mai vei ira kece na kau ni veikau, ka yaga vakalevu cake e dua ga na tabana mai vei ira kece na kau ni veikau?
3E rawa li ni yaga ki na dua na cakacaka na kau e rawa mai na vunivaini? E dau rawa beka me tauri e dua na tikina me rube kina e dua na i yaya?
4Raica sa biu ga ki na bukawaqa me kena buka; sa kania na muana ruarua na bukawaqa, ia na tolona sa yavu. Ena yaga tale beka li ena dua na ka?
5Raica, a sa tawayaga taumada tu ni bera ni a vakamai. Ia ena vuku ni kena sa vakamai oqo ena bukawaqa me yacova na kena yavu, sa qai tawayaga sara kina vakalevu.”
6Sa kaya kina vakaoqo na Turaga o Jiova, “Me vaka ni sa kau mai taba ni vaini mai na veikau me vakamai, au na kauti ira vakakina na tamata era sa tiko mai Jerusalemi,
7ka totogitaki ira. Era sa dro bula rawa mai na dua na bukawaqa, ia ena qai kani ira tale oqo na bukawaqa. Ena gauna ka'u sa totogitaki ira kina, o ni na qai kila ni sai au o Jiova.
8Au na vakayacora me lala na nodra vanua ni ra sa sega ni yalodina vei au,” sa kaya vakaoqo na Turaga o Jiova.
Who We AreWhat We EelieveWhat We Do
2025 by iamachristian.org,Inc All rights reserved.
