1Era sa lako yani na Isireli, ka la'ki vakaitikotiko ena buca o Moapi ena tai kadua ni Joritani, donui Jeriko.
2Ia a raica o Pelaki na luve i Sipori, na ka kecega era sa kitaka na Isireli vei ira na Amoraiti.
3Era sa rere vakalevu o ira na Moapi ena vukudra na Isireli, ni ra sa lewe vuqa; sa rawai Moapi na nona rerevaki ira na Isireli.
4Sa qai kaya o Moapi vei ira na qase mai Mitiani, “Na i wiliwili ni tamata levu oqo ena kania na ka kecega sa voliti keda, me vaka sa kania na co ni vanua na bulumakau.”
5A sa tala yani eso kivei Balami na luve i Piori, o koya sa tiko mai Picori, na vanua e toka volekata na uciwai na Uferetisi ena nodra vanua na Amao. Era sa kauta yani vua na i tukutuku i Pelaki, ka vaka: “Raica, era sa lako mai e dua na mata tamata mai Ijipita; era sa lewe levu sara mai vei keda ka sa tiko na ririko ni rawa ni ra kovea na noda qele mai ligada.Tiko 31.8; 2Pita 2.15-16; Juta 11
6Au sa kerei iko kina mo lako mai, ka tauca vei ira na vosa-ni-cudru ena vukuqu, ni ra sa rui kaukauwa cake vei au; de na qai rawa ni'u vakamalumalumutaki ira ka vakasavi ira tani mai na vanua oqo; ni'u kila ni o koya o sa vakalougatataka ena vakalougatataki, ka sa kalouca ga o koya o sa cudruva.
7A mani lako yani o ira na qase ni Moapi, kei ira na qase ni Mitiani, ka kauta na i sau ni veivakalougatataki; ia ni ra yaco yani vei Balami era sa tukuna vua na i tukutuku i Pelaki.
8A sa qai kaya vei ira o Balami, Ni moce mada eke ena bogi edaidai, ka'u na qai tukuna vei kemuni na vosa, me vaka a kaya vei au o Jiova; era sa tiko ga kei Balami ena bogi o ya o ira na turaga sa talai mai Moapi.
9A sa qai lako mai vei Balami na Kalou, ka kaya, O cei soti na tamata era sa tiko oqo kei iko?
10A sa vosa vua na Kalou o Balami, ka kaya, E a talatala mai vei au o Pelaki na luve i Sipori na tui Moapi, ka kaya,
11‘Era sa lako tani mai Ijipita e dua na matatamata ka ra sa robota na dela i vuravura; ia mo lako mai, ka tauca vei ira na vosa-ni-cudru ena vukuqu; de'u na qai rawa beka ni vala vata kei ira ka vakasavi ira tani.’
12A sa kaya na Kalou vei Balami, “Mo kakua ni lako vata kei ira; mo kakua ni cudruvi ira na tamata, ni ra sa vakalougatataki tu.
13A sa yadra cake ena mataka o Balami, ka kaya vei ira na turaga mai vei Pelaki, Ni lako ki na nomuni vanua: ni sa bese ni soli au o Jiova, me'u lako vata kei kemuni.
14Era sa qai cavutu na turaga ni Moapi, ka lesu vei Pelaki, ka kaya, Sa bese ni lako vata mai kei keitou o Balami.
15A sa qai tala tale eso o Pelaki; era sa lewe levu cake, ka ra dokai cake o ira oqo mai vei ira e liu.
16Ni ra sa lako yani vei Balami, era a kaya vua, “Sa vosa vakaoqo o Pelaki na luve i Sipori: ‘Me kakua mada ni dua na ka me tarova na nomu lako mai vei au;
17Au na cakava vakaidina mo dokai vakalevu, au na cakava na ka kecega o tukuna vei au; mo lako mai ka mai tauca na vosa-ni-cudru vei ira na matatamata oqo ena vukuqu.’ ”
18Ia sa sauma o Balami, ka kaya vei ira na tamata i Pelaki, Kevaka mada ga e solia vei au o Pelaki na siliva kei na koula sa vakasinaita na valenitui, au na sega ni vakatanitaka rawa na vosa i Jiova na noqu Kalou, me'u cakava kina na ka e lailai sobu se me levu cake.
19Dou tiko mada ga eke me vakataki ira na sa liu mai, me na rawa kina me'u kila, a sa cava tale ena tukuna o Jiova vei au.
20Ena bogi o ya a lako mai vei Balami na Kalou ka kaya vua; Kevaka era lako mai na tamata ka ra tukuna mo ni lako, mo tucake ka lako vata kei ira, ia, mo cakava ga na ka au sa tukuna vei iko mo cakava.
21Ia ni sa yadra cake ena mataka o Balami, a vakaidabedabetaka na nona asa, ka lako yani kei ira na turaga ni Moapi.
O Balami kei na Asa kei na Agilosi22A sa qai waqa mai na cudru ni Kalou ni sa lako o Balami; ka sa mai tu ena sala o koya na agilosi i Jiova me vorati koya. Ia sa vodo tiko ena nona asa o Balami, ka rau sa lako vata kaya e lewe rua na nona cauravou.
23A sa raica na asa ni sa tu ena sala na agilosi i Jiova, ka taura tu na nona i seleiwau; a lako vakatikitiki tani mai na sala na asa, ka lako ki na veiwere, ia sa mokuta na asa o Balami, ka vagolea ki na sala.
24A sa tu tale na agilosi i Jiova ena sala qiqo ka wasea na veivaini, ka tu ena yasana ruarua na bai vatu.
25Ia ni sa raica na agilosi i Jiova na asa, a lako ravita na bai vatu, ka qaqia na yava i Balami: qai mokuta tale na asa o Balami.
26A sa lako yani ki liu na agilosi i Jiova, ka la'ki tu ena yasana sa qiqo kina na sala, ka sega tale na vanua me gole rawa kina: ki na i matau se ki na i mawi.
27Ni raica na agilosi i Jiova na asa sa davo sobu ena ruku i Balami; a waqa mai na cudru i Balami, ka mokuta tale na asa ena nona i titoko.
28A sa qai dolava na gusu ni asa o Jiova, ka sa mani vosa na asa vei Balami, ka vaka, A cava li ka'u sa cakava vei iko, o sa mokuti au kina vakatolu?
29A sa qai kaya vua na asa o Balami, Ni o sa vakalialiai au. Au diva me a tu e ligaqu e dua na i seleiwau ke'u sa vakamatei iko sara ga ena gauna oqo.
30A sa kaya tale vei Balami na asa. Oi au na nomu asa se sega, ka ni o sa dau vodoki au ena nomu bula taucoko ka yacova na siga oqo; au dau cakava li vakaoqo vei iko? A sa kaya o Balami,
E sega.
31A sa qai dolava na mata i Balami o Jiova, ka raica ni sa tu ena sala na nona agilosi ka taura tu na nona i seleiwau; a cuva o Balami, ka bale sobu vakatoboicu.
32Sa qai kaya vua na agilosi i Jiova, Na cava o sa mokuta kina vakatolu na nomu asa? Au sa lako mai me'u mai tarovi iko, ni sa sega ni dodonu vei au na nomu i valavala.
33A sa raici au na asa, ka gole tani kina vakatolu mai vei au. Ia ke e sega ni gole tani mai vei au, ke'u a vakamatei iko vakaidina, ka vakabulai koya na asa.
34A sa kaya vua na agilosi i Jiova o Balami, Au sai valavala ca, ni'u sega ni kila ni o sa tu ena sala mo ni tarovi au. Ia oqo, kevaka au sa cala e matamuni, au sa na lesu tale.
35A sa kaya vei Balami na agilosi i Jiova, Mo lako vata ga kei ira na tamata; ia na vosa ga au na cavuta vei iko o ya mo vosataka. A sa qai lako yani o Balami kei ira na turaga nei Pelaki.
Sa Kidavaki Balami o Pelaki36Ia ni sa rogoca o Pelaki ni sa lako tiko yani o Balami, a lako yani me tavaki koya e Irimoape, ka toka ena i yalayala ena bati ni Arinoni, o ya ena kena i yalayala sara e cake.
37A sa kaya vei Balami o Pelaki, Au a sega beka ni talatala yani mo kacivi mai? A cava li o sega ni lako mai kina? Au sa sega li ni rawata me'u vakacerecerei iko?
38A sa kaya vei Pelaki o Balami, Au sa lako mai oqo vei iko! Ia sa tu li vei au oqo na kaukauwa me'u kaya rawa tale kina e dua na ka? Na vosa ga ka solia ki gusuqu na Kalou, o ya ga na vosa ka'u na cavuta.
39A sa qai lako vata kei Pelaki o Balami, ka rau yaco ki Kiriaci-usoci.
40A sa vakacabora mai kea me i soro na bulumakau kei na sipi o Pelaki, ka vakauta eso vei Balami kei ira na turaga a tiko kaya.
41Ena mataka ka tarava a kauti Balami cake o Pelaki ki Peemoci Peali, na vanua cecere nei Peali; me raici ira rawa kina e kea na Isireli.
Who We AreWhat We EelieveWhat We Do
2025 by iamachristian.org,Inc All rights reserved.
