1Sa rogoca o Udite na veika qo. O koya e luve i Merari na luve i Okisi, luve i Iosefo, luve i Osieli, luve i Elikia, luve i Ananaiasa, luve i Kitione, luve i Rafaimi, luve i Aitupi, luve i Ilaija, luve i Ilikia, luve i Eliapi, luve i Nacanieli, luve i Salamieli, luve i Sarasatai, luve i Isireli.
2Na watina o Manase erau kawa vata mataqali vata, ase mate e na gauna ni musu barile.
3E na nona duri tu me lewai ira na vesuvesu barile tiko e logana, sa rawati koya na todra ni siga, sa mani lai davo, qai mate e nona koro o Beculia. Sa mani bulu vata kei ira na nona qase e na tikiniqele e na maliwa i Docani kei Balamoni.
4O Udite sa yabaki tolu vula va nona yada tu e vale.
5Dvu 3.20; 2Timo 4.10A biri valelaca e dela ni vale, dara na isulutaga kei na isulu ni yada.
6A lolo e na siga kece ni nona bula vakayada, vakavo ga na siga vakarau ni siga ni vakacecegu kei na siga ni vakacecegu, na siga vakarau ni vulavou kei na vulavou, kei na siga ni solevu ni kawa i Isireli.
7E marama totoka qai matavutu; na iyau kece nei Manase na watina, na koula kei na siliva, nona italai kei na vada, nona manumanu kei na qele, sa nona, sa vakatawana tiko.
8E sega ni tau e dua na kena vosa ca, ni dau doka vakalevu na Kalou.
Veivosaki o Udite kei iratou na qase ni koro9Sa rogoca o Udite nodra sa yalosorosoro e na viagunu na lewenivanua kei na nodra qai kudruvaki iratou kina na iliuliu; sa rogoca tale ga na vosa ni yalayala i Usia vei ira ni na qai solia na koro vei ira na kai Asiria e na bogi lima,
10sa mani tala sara nona vada, o koya e qarava kece na nona iyau, me kacivi iratou mai na qase ni koro o Usia, o Japarisi kei Jaramisi.
11Eratou lako mai, sa qai kaya vei iratou, “Dou rogoci yau na iliuliu kei Beculia! E cala na ka dou tukuna nikua vei ira na lewenikoro; odou sa lai bubuluitaka sara vua na Kalou niodou na solia na koro vei ira na keda meca ke sega ni galeleti keda mai na Turaga e na loma ni vica na siga.
12Vrua 6.16; Jope 38.2O cei o kemudou modou vakatovolea na Kalou nikua, modou viavia Kalou e matadra na luve ni tamata?
13Odou sa vakatovolea tiko na Turaga Sau – Isa! Na levu ni sese!
14Roma 11.33,34; 1Timo 2.11Odou sega ni kila rawa na loma ni tamata se na lewe ni nona vakasama; sa qai yawa sara na loma ni Kalou, o koya a bulia na veika qo, modou kila vakacava na lomana se na nona vakasama? Sega, kemudou na wekaqu, dou kua ni vakacudruya na Turaga na noda Kalou.
15Ke sega ni lomana me vukei keda e na loma ni siga lima qo, e rawa vua me taqomaki keda e na gauna cava ga e vinakata, se vaqeyavutaki keda e matadra na keda meca.
16Dou kua ni via yalana na inaki ni Turaga na noda Kalou, ni Kalou e sega ni vakataki keda me vakarerei, se me rawai e na vosa marimari.
17Nida waraka tiko gona me vakabulai keda, meda masuti koya me veivuke mai, e na qai rogoca na domoda, ke donu vua.
18“O keda na itaba qo e na gauna qo, se sega vakadua me dua na yavusa se mataqali se vanua se koro me bau qaravi matakau me vaka a dau caka tu e liu,
19koya era a tatalaki kina e na iselewau na noda qase, era butakoci, era veidavori matemate e matadra na meca.
20Ia e sega tale na kalou eda kila, o koya duadua; eda nuitaka gona ni na sega ni beci keda se vakanadakuya na noda vanua.
21Keda sa rawai, sa rawai o Jutia taucoko, e na yanaraki na noda veivanua tabu, eda na qai sauma na kedra vakacacani e na noda dra.
22Na nodra moku na wekada, na kena rawai na vanua, na buturaki ni veika eda vakamareqeta - na ka kece qo e na beitaki keda kina na Kalou, se matanitu cava eda na lai bobula kina; eda na lai sevaki qai beci vei ira na lewai keda.
23Na noda tiko vakabobula eda na sega ni lomani kina, e na vukica ga na Turaga na noda Kalou meda ka ni madua.
24“O koya gona kemudou na wekaqu, o keda qo meda idusidusi vei ira na wekada, me vaka ni tu sara ga e ligada na nodra bula, na veika tabu, na valenisoro kei na icabocabonisoro.
25Meda vakavinavinaka mada ga vua na Turaga na noda Kalou, ni vakatovolei keda tiko me vaka a cakava vei ira na noda qase.
26Vteki 22.1-18; 29.1–31.55Moni nanuma na ka a cakava vei Eparahama, na nona vakatovolei Aisake, kei na ka a yaco vei Jekope mai Mesopotemia vakaSiria ni a vakatawani ira tiko na sipi nei Lepani na nona momo.
27E sega ni vakatovolei keda e na buka, me vaka a cakava vei iratou me kila kina na yalodratou; e sega tale ga ni sauma na noda cala; na Turaga e dau kuitataki ira na torovi koya me kedra ivakila.”
28Sa qai kaya vua o Usia, “Na nomu vosa kece e tau e na yalodina, e sega ni dua me vakacala.
29E sega ni se qai kune vakadua nikua na nomu yalomatua; sa kilai raraba mai na kena itekivu na nomu vuku, ni donu tiko na itovo ni yalomu.
30Ia na levu ni nodra karamaca na lewenikoro, era cikevi keitou me keitou vakayacora na neitou vosa ni yalayala e na bubului e sega ni vakasukai rawa.
31Mo masulaki keitou, nio marama daulotu, e na qai lewa na Turaga me tau na uca me sinai kina na noda toevu me kua ni dua e rebo.”
32Sa kaya vei iratou o Udite, “Dou rogoci yau mada. Au sa vakarau cakava e dua na ka e na rogovaki tu ga e na veitabatamata ni noda kawa.
33Dou duri tu e matamata ni koro e na bogi nikua, keirau na curu yani i tuba kei na noqu vada; se bera ni yaco na siga yalataki modou solia kina na koro vei ira na keda meca, au na idewadewa ni veisereki ni Turaga vei Isireli.
34Dou kua ga ni via kila na noqu inaki, au sa vakayacora oti ga, au na qai tukuna.”
35Eratou kaya vua o Usia kei rau na iliuliu: “Lako e na vakacegu, me tiko e matamu na Turaga na Kalou me veisausaumi vei ira na keda meca.”
36Eratou sa mani biuta na valelaca meratou lai yadra tale.
Who We AreWhat We EelieveWhat We Do
2025 by iamachristian.org,Inc All rights reserved.
