1Me vakacaucautaki o Jiova!
Me vakacaucautaki Jiova, na yaloqu!
2Au na vakacaucautaki Jiova ga ni se tiko na i cegu ni bula;
Au na sere vua na noqu Kalou ena noqu bula taucoko.
3Ni kakua ni vakararavi vei ira na luvenitui,
Se vua tale e dua sa sega ni rawata me veivakabulai.
4Ni ra sa mate, era sa suka lesu tale ki na qele,
Ka sa cava ena siga o ya na nodra i naki kecega.
5Sa kalougata na tamata sa nona i vukevuke na Kalou i Jekope,
Ka vakararavi vei Jiova na nona Kalou,
6O koya sa bulia na lomalagi, na vuravura kei na wasawasa
kei na veika kecega sa tu kina.
Sa dau vakayacora ga o koya na veika sa yalataka;
7Sa dau lewa vakadodonu ena vukudra era vakararawataki,
Ka solia na kedra era viakana.
Sa sereki ira era vesu tu o Jiova,
8Ka dolava na matadra era mataboko.
Sa vueti ira cake era tabaki sobu;
Sa lomani ira na nona tamata yalododonu.
9Sa taqomaki ira na kai tani o Jiova
Sa vukei ira na yada kei na luveniyali,
Ia sa vakarusa na nodra i naki na tamata ca.
10Ena Tui o Jiova ka na sega ni mudu!
Na nomu Kalou, i Saioni, ena veiliutaki ena veigauna kecega.
Me vakacaucautaki ga o Jiova!
Who We AreWhat We EelieveWhat We Do
2025 by iamachristian.org,Inc All rights reserved.
