Isikeli 25 - Vakavakadewa Vou kei na iVola tale eso（FNVDC12）

Tau na Lewa Baleti Amoni

1A sa kaya vei au o Jiova,Jere 49.1-6; Isi 21.28-32; Emo 1.13-15; Sefa 2.8-11

2“Luve ni tamata, mo vunauca na vanua o Amoni.

3Mo kaya vei ira na luve i Amoni me ra rogoca na vosa ka'u sa tukuna vakaoqo: o ni a dau marautaka voli na kena dau vakadukadukalitaki na noqu Valenisoro, mo ni sarava kina na vakacacani na vanua o Isireli, ka raici ira na Juta ni ra sa kau vakabobula.

4Ena vuku ni nomuni a taleitaka na veika oqori, au na laivi ira kina na veimataqali ena yasana ki na tokalau ni vanua dravuisiga me ra valuti kemuni. Era na tara keba ena loma ni nomuni vanua ka vakaitikotiko kina. Era na kania na vuata ka gunuva na sucu e sa dodonu me nomuni i votavota ga oi kemuni.

5Au na cakava me i kanakana ni kameli o Rapa, ka me kedra bai na qele ni sipi na nodra veikoro na luve i Amoni. Ia o ni na qai kila ni sai au o Jiova.

6Ni sa kaya vakaoqo na Kalou o Jiova: “Me baleta ni o sa vakasausau, ka vakabutubutu, ka reki ena dela ni veivakaisini ki na vanua o Isireli,

7au sa dodoka yani kina na ligaqu me'u saqati iko, ka soli iko mo nodra i toki ni valu na veimatanitu tani; ia ka'u na muduki iko tani mai vei ira na veimataqali ka vakarusai iko tani mai na veivanua; io ka'u na vakawabokotaki iko. O na qai kila ni sai au o Jiova.”

Na Parofisai me Baleti Moapi

8Sa kaya vakaoqo o koya na Kalou o Jiova, “Ni sa kaya o Moapi, ‘Raica, sa qai vakataki ira kece na veimatanitu na mataqali i Juta,’Aisea 15.1–16.14; 25.10-12; Jere 48.1-47; Emo 2.1-3; Sefa 2.8-11

9o koya oqo, mo kila, ni'u na dolava na i yalayala i Moapi, o koya oqori ka okati me lagilagi ena vanua o Pecisimoci, o Peali Mioni, kei Kiriaceimi.

10Au na solia ki na mataqali mai na tokalau ni vanua dravuisiga me ra vakadrukai Moapi, o ira vata kei ira na luve i Amoni, me kakua tale kina ni dua na matanitu o koya.

11Au na totogitaki Moapi, ka ra na qai kila ni sai au o Jiova.”

Na Parofisai me Baleti Itomi

12Sa kaya vakaoqo na Kalou o Jiova: “Ni sa cakacaka vakacudrucudru o Itomi vei ira na mataqali i Juta, sa cala vakalevu sara vei ira, ka sa sauma vei ira na ca o koya,”Aisea 34.5-17; 63.1-6; Jere 49.7-22; Isi 35.1-15; Emo 1.11,12; Ope 1-14; Mala 1.2-5

13o koya oqo sa kaya kina o Jiova, “Au na dodoka talega na ligaqu vei Itomi, ka vakaotia tani mai kina na tamata kei na manumanu; ia ka'u na vakalala, me vakatekivu mai Temani ka yala ki Titana, ka ra na bale ena i seleiwau.

14Ia ka'u na vakayacora na noqu cudru vei Itomi ena ligadra na noqu tamata na Isireli; ka ra na cakava mai Itomi me vaka na noqu cudru, ka vaka na noqu yalo katakata; ka ra na kila na noqu veicudruvaki, sa kaya na Kalou o Jiova.”

Na Parofisai me Baleti Filisitia

15Sa kaya vakaoqo na Kalou o Jiova: “Ni ra na veicudruvi na kai Filisitia, ka ra vakayacora ena yalo veibeci kei na yalo e veivakarusai ni veimecaki ka tawa oti rawa;Aisea 14.29-31; Jere 47.1-7; Joeli 3.4-8; Emo 1.6-8; Sefa 2.4-7; Saka 9.5-7

16o koya oqo, sa kaya kina na Kalou o Jiova: ‘Raica, au na dodoka yani na ligaqu vei ira na kai Filisitia, ka muduki ira tani na kai Kireci, ka vakarusai ira na vo mai baravi.

17Ia ka'u na vakayacora vei ira na veicudruvi, veivunauci vakacudrucudru. Era na kila ni sai au o Jiova, ni'u sa vakatauca vei ira na noqu cudru.’ ”