Osea 9 - Vakavakadewa Vou kei na iVola tale eso（FNVDC12）

Sa Kacivaka na i Totogi kei Isireli o Osea

1Oi kemuni na Isireli, ni muduka na nomuni dau marautaka voli na nomuni solevu me vakataki ira na veimatanitu tale eso. O ni sa vuki tani mai vua na nomuni Kalou ka sega ni yalodina vua. O ni sa volitaki kemuni ga me vaka na yalewa dautagane vua na kalou o Peali ena veivanua kece sara, ka sa gadreva na i sau ni dautagane ena rara ni samu sila.

2Ia ena sega ni dede ni sa na sega ni veirauti ena kemuni maliwa na sila kei na waiwai olive, ka sega talega na waini.

3Era na sega ni tiko voli ga ena vanua i Jiova na Isireli, ia era na vakalesui tale ki Ijipita ka kania kakana vakatabui mai Asiria.

4Era na sega ni cabora na waini me nodra i madrali liviraki vei Jiova ena veivanua tani o ya, Na kedra kakana ena vakadukadukalitaki ira kece sara sa kania, me vaka na kakana sa laukana ena gauna ni veibulu. Ena vakayagataki ga me sotava na nodra viakana; ena sega ni dua na tikina me na la'ki vakacabori ena Valenisoro i Jiova.

5Ia na cava era na qai cakava ni sa yaco mai na gauna me vakarokorokotaki kina o Jiova ena nona siga ni solevu tabu?

6Ni sa yaco mai na leqa ka ra sa veidroyaki na tamata, o Ijipita ena qai kumuni ira vata mai, ka ra na la'ki bulu mai Memifise. A nodra i yau talei na siliva kei na nodra veitikotiko e liu ena tubua sara ena co ca kei na soni.

7 Ena nanuma ga na Kalou na nodra i tovo ca, ka totogitaki ira vakakina.

10 Tiko 25.1-5 A sa kaya o Jiova, “Ena i matai ni gauna ka'u kunei Isireli kina, a sa vaka na kunei ni qerepi sa bula voli ena vanua dravuisiga. Ena i matai ni gauna ka'u raici ira kina na nomuni qase, a sa vaka na kunei ni i sevu ni vuanilolo dreu ena kena gauna. Ia ni ra sa yaco mai ki Ului Piori, era sa vakatekivu me ra sokalou vei Peali, ka ra sa yaco me ra vakasisila me vaka ga na vakasisila ni kalou eso era sa domona.

11Na cecere kei Isireli ena vuka laivi me vaka na manumanu vuka, ena sega ni dua na gone me na qai sucu vei ira, a sa sega na yalewa bukete, ka sega e kunekunetaki.

12Ia kevaka era mani susuga cake na luvedra, au na kauti ira tani kece sara ka sega ni vakabula e dua. Ena yacovi ira na veika rerevaki ena gauna ka'u sa vakanadakui ira kina.

13I Jiova, au sa raici ira na luvedra ni ra sa vakasasataki ka ra sa la'ki vakamatei.

14A cava beka me'u kerea vei kemuni mo ni vakayacora vei ira na tamata oqo? Ni vakayacora me ra kakua ni vakaluveni rawa o ira na nodra yalewa! Ni vakayacora me ra sega ni susugi ira rawa na luvedra lalai!

Na Lewa i Jiova vei Isireli

15A sa kaya vakaoqo o Jiova, “Sa vakatekivu mai Kilikali na nodra caka ca. Au a sa cati ira taumada mai kea. Ena vuku ni ca ni nodra i valavala, au na vakasavi ira tani mai na noqu vanua. Au na sega tale ni lomani ira; era sa talaidredre kecega vei au o ira na nodra i liuliu.

16O ira na Isireli era sa vaka na kau sa mamaca na wakadra ka sa sega na vuana. Era na sega ni vakaluveni, ia kevaka e mani vakakina, au na vakamatea na luvedra era sa dau vakamareqeta.

Sa Vosa ena Vuku i Isireli na Parofita

17Na Kalou au sa qarava ena biuti ira na nona tamata, baleta ni ra sa sega ni vakarorogo vua. Era na dui veiseyaki ki na veivanua.