Исаиа 6 - Ариун Библи 2013（AB2013）

ЭЗЭНий өргөөн дэх үзэгдэл

1Уззиа хааны өөд болсон жил би Эзэнийг сэнтийн дээр өргөмжлөгдөн дээдлэгдэн заларч, Түүний нөмрөгийн хормой сүмийг дүүргэж байхыг харлаа.

10Энэ ард түмний зүрх сэтгэлийг хатууруулж,

Чихийг нь дүлий, нүдийг нь сохор болго.

Эс бөгөөс тэд нүдээрээ харж

Чихээрээ сонсож, зүрхээрээ ухаарч,

Эргэж буцна, эдгэрнэ гэв.

11Дараа нь би

—Эзэн минь, хэр удаан тэгэх вэ? гэсэнд Тэр хариулан

—Хотууд эвдрэн сүйдэж, оршин суугчгүй болж,

Орон байр эзгүйрч,

Газар нутаг юу ч үгүй хоосрох хүртэл үргэлжилнэ.

12ЭЗЭН, хүмүүсийг хол аваачин

Нутгийн дунд мартагдсан газрууд их болно.

13Тэнд аравны нэг хувь нь үлдсэн ч,

Түүнийг улиас юмуу царс мод шиг дахин шатаана.

Түүнийг тайрахад хожуул нь үлдэнэ.

Энэ хожуул нь ариун үр юм гэв.