1Зүрх минь сайн үгээр бялхму
Шүлгээ би Хаанд зориулму.
Хэл минь чадварлаг бичээчийн бийр амуй.
2Та хүний хөвгүүдээс гойд сайхан
Таны уруулаас нигүүлсэл дусална.
Тиймээс Таныг Бурхан мөнхөд ерөөсөн.
3Хүчит Нэгэн, цог жавхлан болоод сүр хүчтэйгээ
Ташаандаа илдээ зүү.
4Үнэн, дөлгөөн хийгээд зөвийн хэргээр
Сүр хүч дотроо ялгууснаар мордооч.
Баруун гар тань сүрдэм үйлсийг Танд заана.
5Таны сумнууд Хааны дайснуудын зүрхэнд хурц.
Ард түмнүүд Таны өмнө унана.
6Бурхан, Таны сэнтий мөнхийн мөнх.
Таны хаанчлалын очирт таяг нь
Шударга ёсны очирт таяг мөн.
7Та зөвт байдлыг хайрлаж,
Буруу явдлыг үзэн яддаг.
Тиймээс Бурхан, Таны Бурхан,
Нөхдийн тань дээгүүр
Таныг баяр баяслын тосоор тослов.
8Таны бүх хувцас мирр,
Зуун наст ба могойн зүрхэн зандан мэт.
Зааны ясан ордны
Утсан хөгжмийн зэмсгүүд
Таныг баясгана.
9Хаадын охид Таны
Хатагтай нарын дунд бий.
Баруун гар талд тань
Офирын алт зүүсэн хатан зогсоно.
10Сонс, охин оо, хараад чихээ тавь.
Ард түмнээ хийгээд эцгийнхээ гэрийг март.
11Тэгвэл Хаан гоо үзэсгэлэнг чинь хүсэмжилнэ.
Тэр чиний Эзэн учир Түүнд мөргө.
12Тир охин бэлэгтэй ирнэ
Тааллыг чинь ард түмний баячууд гуйна
13Хааны охин бүх цог жавхлан дотроо бөгөөд
Хувцас нь алтан хатгамалтай.
14Алаг эрээн хувцастай түүнийг
Хаанд хүргэж ирнэ.
Араас нь бараа бологч охидыг нь
Танд аваачна.
15Тэд баяр болоод баясгалантайгаар хүргэгдэн
Хааны ордонд орно.
16Эцэг өвгөдийн тань байранд
Таны хөвгүүд байх бөгөөд
Та тэднийг бүх дэлхийд ноёд болгоно.
17Би нэрийг тань үеийн үед сануулна
Тиймээс ард түмэн өнө мөнхөд
Таныг магтана.
Who We AreWhat We EelieveWhat We Do
2025 by iamachristian.org,Inc All rights reserved.
