Дуулал 48 - Ариун Библи 2013（AB2013）

Сионы алдар сууДуу. Корагийн хөвгүүдийн дуулал.

1Бурханы маань хот, ариун ууланд

ЭЗЭН аугаа бөгөөд үлэмж ихээр магтагдана.

2Үзэсгэлэнт өндөрлөг, бүх дэлхийн баяр хөөр

Хойд хязгаарт буй Сион уул нь

Их Хааны хот юм.

3Түүний орднуудад

Бурхан хүчит цайз хэмээн танигджээ.

4Үзэгтүн, хаад цуглаж,

Хамтдаа явж өнгөрөв.

5Тэд түүнийг үзээд алмайрчээ.

Тэд түгшээд бушуухан зугтав.

6Тэнд тэд айдас чичрэлд,

Төрж буй эмэгтэйнх шиг өвдөлтөд автжээ.

7Дорнын салхиар

Та Таршишийн усан

онгоцнуудыг хэмхчсэн.

8Түг түмдийн ЭЗЭНий хот, Бурханыхаа хотод

Бид сонссон шигээ харжээ.

Бурхан түүнийг мөнхөд байгуулна. Села

9Бурхан, Таны сүмийн голд бид

Таны хайр энэрлийг боджээ.

10Бурхан, Таны нэр

Таны магтаал шиг

Газрын хязгааруудад хүрнэ.

Таны баруун мутар ялалтаар дүүрэн.

11Таны шүүлтүүдийн улмаас

Сион уул баясаг,

Иудагийн хотууд баярлаг.

12Сионоор алхаж, түүнийг тойрон яв.

Цамхгуудыг нь тоол.

13Хойч үедээ дамжуулан ярихын тулд

Цайзуудаар нь дамжин яв.

Хэрэмнүүдийг нь зүрхэндээ тунгаа.

14Учир нь энэ Бурхан

Мөнхийн мөнхөд бидний Бурхан.

Үхэн үхтэл минь биднийг Тэр хөтөлнө.