ЭЗЭКІЭЛЬ 42 - Б?бл?я (пераклад А.Бокуна)（BBB）

1 І ён вывеў мяне на панадворак вонкавы шляхам у накірунку на поўнач і завёў мяне ў пакой, які насупраць адгароджанай прасторы і насупраць будынку з паўночнага боку.

2 З пярэдняга боку даўжыня ягоная — сто локцяў, выхад на поўнач, а шырыня — пяцьдзясят локцяў.

3 Насупраць — дваццаць панадворку ўнутранага, і насупраць — узвышэньне, якое на панадворку вонкавым, і галерэі адна ўздоўж другой на трох.

4 А перад пакоямі праход шырынёю ў дзесяць локцяў унутры, на адлегласьць у сто локцяў, і ўваход у яго з поўначы.

5 Верхнія пакоі былі вузейшыя за ніжнія і сярэднія будынку, бо галерэі займалі частку.

6 Былі яны трохпавярховыя і ня мелі слупоў такіх, як слупы на панадворках, і таму былі вузейшыя за ніжнія і сярэднія, якія на зямлі.

7 А мур, які звонку ўздоўж пакояў у накірунку вонкавага панадворку насупраць пакояў, даўжыню ў пяцьдзясят локцяў.

8 Бо даўжыня пакояў, якія пры вонкавым панадворку, — пяцьдзясят локцяў, а тых, што перад Сьвятыняй — сто локцяў.

9 А пад тымі пакоямі — праход ад усходу, калі ўваходзіць у іх з вонкавага панадворку.

10 На шырыню муру панадворку шляхам на поўдзень перад адгароджанай прасторай і перад будынкам — пакоі.

11 І дарога перад імі, як у пакоі, якія на шляху на поўнач, як у даўжыню, так і ў шырыню, з усімі іхнімі выхадамі, уладкаваньнямі і ўваходамі.

12 А ўваходы ў пакоі, якія на шляху на поўдзень, былі як уваход на пачатку праходу, які перад адпаведным мурам, на шляху на ўсход, калі ўваходзіць у яго.

13 І сказаў ён мне: «Пакоі паўночныя і пакоі паўднёвыя, якія перад адгароджанай прасторай, гэта пакоі сьвятыя, дзе сьвятары, якія набліжаюцца да ГОСПАДА, спажываюць сьвятое сьвятых; там яны складаюць сьвятое сьвятых, ахвяры хлебныя, ахвяры за грэх і ахвяры аднагараджэньня, бо гэта месца сьвятое.

14 Калі сьвятары ідуць, яны не павінны выходзіць з гэтага месца сьвятога на вонкавы панадворак, але там скінуць шаты свае, у якіх служэньне сваё, бо яны сьвятыя, і апрануць шаты іншыя, і наблізяцца да для народу».

15 І ён скончыў мераць унутраныя Дому, павёў мяне шляхам да брамы, зьвернутай на шлях на ўсход, і зьмераў з усіх бакоў наўкола.

16 Ён зьмераў бок усходні прутом меральным: пяцьсот прутоў прутом меральным наўкола.

17 Зьмераў бок паўночны: пяцьсот прутоў прутом меральным наўкола.

18 І зьмераў бок паўднёвы: пяцьсот прутоў прутом меральным.

19 І павярнуўся да заходняга боку, і намераў пяцьсот прутоў прутом меральным.

20 Ён зьмераў чатыры бакі. Мур быў з усіх бакоў наўкола даўжынёю ў пяцьсот і шырынёю ў пяцьсот, каб аддзяліць сьвятое ад звычайнага.